மாமனாரைத் தாக்கியமருமகன் கைது

அரியலூர் மாவட்டம் உடையார்பாளையம் அருகே மாமனாரைத் தாக்கிய மருமகன் திங்கள்கிழமை இரவு கைது செய்யப்பட்டார். 
உடையார்பாளையம், அய்யாசாமி பிள்ளைத் தெருவைச் சேர்ந்தவர் கலியபெருமாள்(51). இவர், தனது மகள் மோகனப்பிரியாவை அதே பகுதியைச் சேர்ந்த ராஜேந்திரன் மகன் ராஜாவுக்கு(28) கடந்தாண்டு திருமணம் செய்து கொடுத்துள்ளார். இந்நிலையில், ராஜா வெளிநாடு செல்ல மாமனார் கலியபெருமாளிடம் பணம் கேட்டுள்ளார். அதற்கு பணமில்லை என மறுத்ததாகத் தெரிகிறது.  இதையடுத்து, ஏற்பட்ட தகராறில் கலியபெருமாளை ராஜா தாக்கியுள்ளார். இதில் பலத்த காயமடைந்த கலியபெருமாள் ஜயங்கொண்டம் அரசு மருத்துவமனையில் சிகிச்சை பெற்று வருகிறார்.
புகாரின் பேரில் உடையார்பாளையம் போலீஸார் வழக்குப் பதிந்து ராஜாவை கைது செய்தனர்.