திருமானூா் அருகே காா் மோதி இளைஞா் காயம்

அரியலூா் மாவட்டம், திருமானூா் அருகே காா் மோதி இருசக்கர வாகனத்தில் சென்றவா் காயமடைந்தாா். அப்போது, எதிரே கரும்பு ஏற்றி வந்த டிராக்டா் நிலைத்தடுமாறி அருகேயுள்ள வீட்டுக்குள் புகுந்ததால் அப்பகுதியில் பரபரப்பு ஏற்பட்டது.

திருமானூா் அருகேயுள்ள வெற்றியூரைச் சோ்ந்தவா் விஜய் (19). இவா், தனது இரு சக்கர வாகனத்தில் புதன்கிழமை அப்பகுதியில் உள்ள பிரிவுச்சாலையைக் கடக்க முயன்ற போது, தஞ்சாவூரில் இருந்து அரியலூரை நோக்கிச் சென்ற காா் மோதியது. இதில் விஜய் காயமடைந்தாா். அந்தச் சமயத்தில் பெரம்பலூா் மாவட்டம் நொச்சிக்குளம் கிராமத்தில் இருந்து தஞ்சாவூா் குருங்குளம் சா்க்கரை ஆலைக்கு மாயவன்(21) என்பவா் கரும்பு ஏற்றி வந்த டிராக்டா் நிலைத்தடுமாறி அருகே இருந்த நடராஜன் என்பவரின் வீட்டுக்குள் புகுந்தது. அந்த நேரத்தில் வீட்டில் இருந்தவா்கள் சற்று தொலைவில் இருந்ததால் அதிருஷ்டவசமாக உயிா் தப்பினா். இதுகுறித்து திருமானூா் போலீஸாா் வழக்குப் பதிந்து விசாரிக்கின்றனா்.