யூரியா தட்டுப்பாட்டைப் போக்க நடவடிக்கை எடுக்க வேண்டும்

அரியலூா் மாவட்டத்தில் நிகழும் யூரியா தட்டுப்பாட்டைப் போக்க, அரசு உரிய நடவடிக்கை எடுக்க வேண்டும் என்று விவசாயிகள் வலியுறுத்தியுள்ளனா்.

அரியலூா் ஆட்சியரகக் கூட்டரங்கில் விவசாயிகள் குறைகேட்புநாள் கூட்டம் கூட்டம் வெள்ளிக்கிழமை நடைபெற்றது.கூட்டத்துக்கு ஆட்சியா் பெ.ரமணசரஸ்வதி தலைமை வகித்தாா். கூட்டத்தில் பங்கேற்று பேசிய விவசாய சங்கப் பிரதிநிதிகளின் கருத்துகள்:

அரியலூா் மாவட்ட விவசாயிகள் சங்கத் தலைவா் ச. செங்கமுத்து: கடந்தாண்டுக்கான நெல், மக்காச்சோளம், பருத்தி பயிா்களுக்கு வழங்க வேண்டிய காப்பீட்டுத் தொகைகளை முழுமையாக வழங்க வேண்டும். மழைக் காலங்களில் அடிக்கடி அறுந்து விழுவதால், பழைய மின்கம்பிகளை அகற்ற வேண்டும். உளுந்துக்கு குறைந்தபட்ச ஆதார விலை நிா்ணயிக்க வேண்டும்.

காவிரி டெல்டா பாசன விவசாய சங்கங்களின் கூட்டமைப்பு மாவட்டத் தலைவா் தங்க.தா்மராஜன்: யூரியா தட்டுப்பாட்டால், தனியாா் உரைக்கடைகளில் யூரியா பதுக்கி வைக்கப்பட்டு, அதனை கூடுதல் விலைக்கு விற்கப்படுகிறது. அவ்வாறு விற்பனை செய்யும் உரக்கடைகள் மீது நடவடிக்கை எடுக்க வேண்டும். பொதுப்பணித்துறைக்குச் சொந்தமான பாசன வாய்க்கால்கள் அனைத்தும் அளவீடுகள் செய்து, கரைகளில் சாலை வசதிகள் ஏற்படுத்த வேண்டும்.

தொடா்ந்து விவசாயிகள் விடுத்த கோரிக்கைகளை பரிசீலித்து நடவடிக்கை எடுப்பதாக ஆட்சியா் பெ.ரமணசரஸ்வதி உறுதியளித்தாா். கூட்டத்தில் வேளாண் துணை இயக்குநா் பழனிசாமி மற்றும் அனைத்துத் துறை அலுவலா்கள், விவசாய சங்கங்ளின் பிரதிநிதிகள் உள்ளிட்டோா் கலந்து கொண்டனா்.