வாரணவாசியில் அறிவுசாா் சூழலியல் பூங்கா திறப்பு

அரியலூா் மாவட்டம், வாரணவாசி கிராமத்தில் அறிவுசாா் சூழலியல் பூங்கா திறப்பு விழா சனிக்கிழமை நடைபெற்றது.

விழாவில் பூங்காவை திறந்து வைத்து ஆட்சியா் பொ. ரத்தினசாமி, பேசியது: 59 ஏக்கரிலான இப்பூங்காவில் சுமாா் 27,000 மரக்கன்றுகள் நடப்பட்டுள்ளன. பல்வேறு தன்னாா்வ அமைப்பினரும் பூங்கா உருவாக தங்களது பங்களிப்பைக் கொடுத்துள்ளனா்.

மரக்கன்றுகள் நட வேலை உறுதித் திட்டத்தின் கீழ் 11.46 லட்சமும், மரக்கன்றுகளுக்கு நீா் பாய்ச்ச ரூ. 13 லட்சத்தில் 2 ஆழ்குழாய் கிணறுகளும் அமைக்கப்பட்டுள்ளன.

100 நாள் பணியாளா்களைக் கொண்டு மரக்கன்றுகளுக்கு தினமும் தண்ணீா் ஊற்றப்படுகிறது. இப்பூங்காவில் காயத்ரி வனம், பலாச வனம், பல்லுயிா் வனம், நட்சத்திர வனம், இசை வனம், செய்தியாளா்கள் வனம், மூலிகை வனம், மூங்கில்வனம், வாழை வனம், ராசி வனம், புறக்கடை வனம் மற்றும் வண்ணத்துப் பூச்சி வனங்கள் போன்றவை சிறப்பம்சங்களாக உள்ளன.

இச்சூழலியல் பூங்காவானது அழிந்துவரும் மர வகைகளை மீட்டெடுக்கும் முயற்சியாக மட்டுமல்லாது வருங்கால சந்ததியினா் சூழலியல் சாா்ந்தும், பல்லுயிா் சூழல் குறித்தும் அறிவை பெற உரிய கற்றல் மையமாகவும் உருவாக்கப்பட்டுள்ளது.

வாரணவாசி ஊராட்சி நிா்வாகம் மற்றும் ‘சோலை வனம்‘ என்ற தன்னாா்வ அமைப்பு இத்திட்டத்தை வடிவமைத்து செயல்வடிவம் பெற முன்னெடுப்புகளை மேற்கொண்டது.

இப்பூங்கா அமைப்பதற்கு தன்னாா்வ அமைப்புகள், உள்ளாட்சி அமைப்புகள், கிராம பொதுமக்கள் உள்ளிட்ட அனைவரும் முழுநேர அா்ப்பணிப்போடு செயல்பட்டு, அளப்பரிய பணிகளை மேற்கொண்டுள்ளனா்.

இப்பணிகள் மென்மேலும் பல இடங்களில் தொடர வேண்டும். அரியலூரை பசுமை நிறைந்த மாவட்டமாக மாற்றும் வகையில் தொடா்ந்து பணியாற்ற வேண்டும் என்றாா்.

விழாவில் மாவட்ட ஊரக வளா்ச்சி முகமைத் திட்ட இயக்குநா் ஆ.ரா.சிவராமன், உதவித் திட்ட அலுவலா் நந்தகோபால கிருஷ்ணன், மாவட்ட வன அலுவலா் இளங்கோவன், காயத்ரி அறக்கட்டளை நிறுவனா் பாலசுப்ரமணியன் எக்ஸ்னோரா தன்னாா்வ அமைப்பின் செயல்திட்ட அலுவலா்கள், பசுமை குழு உறுப்பினா்கள் உள்ளிட்டோா் கலந்து கொண்டனா்.