செந்துறை அருகே ரயில் மோதி தொழிலாளி உயிரிழப்பு

அரியலூா் மாவட்டம், செந்துறை அருகே ரயில் மோதி கூலித் தொழிலாளி சம்பவ இடத்திலேயே உயிரிழந்தாா்.

செந்துறையை அடுத்த இறையூா் கிராமத்தைச் சோ்ந்தவா் பூராசாமி. கூலித்தொழிலாளி . வியாழக்கிழமை இவா், அப்பகுதியிலுள்ள ரயில்வே தண்டவாளத்தை கடந்த போது, அந்த வழியாக சென்ற விரைவு ரயில் ஒன்று மோதியது.இதில் பலத்த காயமடைந்த பூராசாமி சம்பவ இடத்திலேயே உயிரிழந்தாா்.

இதுகுறித்து தகவலறிந்து சம்பவ இடத்துக்கு விரைந்து வந்த விருத்தாசலம் ரயில்வே பாதுகாப்பு படையினா், பூராசாமியின் சடலத்தை மீட்டு அரியலூா் அரசு மருத்துவக் கல்லூரி மருத்துவமனைக்கு அனுப்பிவைத்து, வழக்குப் பதிந்து விசாரிக்கின்றனா்.