ஜெயங்கொண்டம் நகராட்சி அலுவலகத்தில் சோதனை: கணக்கில் வராத ரூ. 8 ஆயிரம் பறிமுதல்

அரியலூா் மாவட்டம்,ஜெயங்கொண்டம் நகராட்சி அலுவலகத்தில், மாவட்ட ஊழல் தடுப்பு மற்றும் கண்காணிப்பு பிரிவு காவல் துறையினா் செவ்வாய்க்கிழமை சோதனை மேற்கொண்டனா். இதில், கணக்கில் வராத ரூ. 8 ஆயிரம் பறிமுதல் செய்யப்பட்டது.

மாவட்ட ஊழல் தடுப்பு மற்றும் கண்காணிப்புப் பிரிவு காவல் ஆய்வாளா் கவிதா தலைமையிலான காவல் துறையினா், செவ்வாய்க்கிழமை மாலை 4 மணியளவில் ஜெயங்கொண்டம் நகாரட்சி அலுவலகத்தினுள் அதிரடியாக நுழைந்து, கதவுகளை மூடினா்.

பின்னா் அவா்கள், அனைத்து ஆவணங்களையும் சோதனை மேற்கொண்டதில், கணக்கில் வராத ரூ.8 ஆயிரம் பறிமுதல் செய்தனா். மேலும், ஜி-பே மற்றும் போன்-பே மூலம் பெறப்பட்ட பரிவா்த்தனைகள் குறித்து அலுவலா்களிடம் தொடா்ந்து விசாரணை மேற்கொண்டு வருகின்றனா்.