திறனறிதல் போட்டியில் சிறப்பிடம் பெற்ற மாணவர்களுக்கு பாராட்டு

மாநில திறனறிதல் போட்டியில் சிறப்பிடம் பிடித்த  வெண்ணைமலை சேரன் பள்ளி மாணவ, மாணவிகளுக்கு பாராட்டு தெரிவிக்கப்பட்டது.
தளவாபாளையம் எம்.குமாரசாமி பொறியியல் கல்லூரியில் அண்மையில் பள்ளி மாணவ, மாணவிகளுக்கான தனித்திறனை அறியும் வகையில் நடனம் , யோகா, கட்டுரை, பேச்சு, ஓவியம் உள்ளிட்ட போட்டிகள் நடைபெற்றது. இதில் வெண்ணைமலை சேரன் மெட்ரிக் மேல்நிலைப்பள்ளி மாணவ, மாணவியர் மாநில அளவில் இரண்டாமிடம் பிடித்தனர். 
தமிழ் கட்டுரைப் போட்டியில் மாணவி எஸ்.யோகேஸ்வரி இரண்டாம் பரிசையும், ஆங்கில கட்டுரைப் போட்டியில் கே.சந்தோஷ்குமார் முதல் பரிசு பெற்றனர். மேலும் பல்வேறு போட்டிகளில் மாணவர்கள் சிறப்பிடம் பெற்றனர்.  மாநில அளவில் இரண்டாமிடத்தை பிடித்த மாணவ, மாணவிகளை பள்ளித் தலைவர் பி.எம்.கருப்பண்ணன், தாளாளர் பி.எம்.கே.பாண்டியன், நிர்வாகி பி.எம்.கே.பெரியசாமி, ஆலோசகர் பி.செல்வதுரை, முதல்வர் வி.பழனியப்பன் உள்ளிட்டோர் பாராட்டினர்.