மாவட்டத்தில் பரவலாக மழை அதிகபட்சமாக  கடவூரில் 34.2 மி.மீ. பதிவு

கரூர் மாவட்டத்தில் புதன்கிழமை இரவு முதல் வியாழக்கிழமை அதிகாலை வரை மழை பெய்தது. மொத்தம் 116.30 மி.மீ மழை பதிவாகியுள்ளது. இதில், அதிகபட்சமாக கடவூரில் 34.2 மி.மீ. பதிவானது.
தமிழகம் முழுவதும் கோடை மழை ஆங்காங்கே பெய்து வருகிறது. அக்னி நட்சத்திரம் தொடங்கிய கடந்த 4 ஆம் தேதி முதல் கரூர் மாவட்டத்திலும் அவ்வப்போது பெய்துவரும் மழையால் கடந்தாண்டைப் போல இல்லாமல் நிகழாண்டில் வெப்பத்தின் தாக்கம் இன்றி மக்கள் மகிழ்ச்சியுடன் உள்ளனர். மாவட்டத்தில் புதன்கிழமை இரவு முதல் வியாழக்கிழமை அதிகாலை வரை பெய்த மழையின் அளவு விவரம் (மி.மீ): கரூர் - 1.1, அரவக்குறிச்சி - 3.2, க.பரமத்தி - 1.2, கிருஷ்ணராயபுரம் - 26, மாயனூர் - 18, பஞ்சப்பட்டி - 15.4, கடவூர் - 34.2, பாலவிடுதி - 11.2, மைலம்பட்டி - 6. மொத்தம் 116.30 மி.மீ. மழை அளவு பதிவாகியுள்ளது.