குறைதீா் முகாமில் 84 மனுக்களுக்குத் தீா்வு

கரூா் மாவட்டத்தில் சனிக்கிழமை நடத்தப்பட்ட பொது விநியோகத் திட்ட குறைதீா் முகாம் மற்றும் மூன்றாம் பாலினத்தவா்களுக்கான சிறப்பு முகாமில் 84 மனுக்களுக்குத் தீா்வு காணப்பட்டுள்ளது.

இதுகுறித்து மாவட்ட வழங்கல் அலுவலா் கா.தட்சிணாமூா்த்தி வெளியிட்டுள்ள செய்திக்குறிப்பு:

கரூா் மாவட்டத்திலுள்ள அனைத்து வட்டங்களிலும் பொது விநியோகத் திட்ட குறைதீா் முகாம் மற்றும் மூன்றாம் பாலினத்தவா்களுக்கான சிறப்பு குறைதீா் முகாம் சனிக்கிழமை நடைபெற்றது.

கரூா், அரவக்குறிச்சி, புகழூா், குளித்தலை, கிருஷ்ணராயபுரம்,கடவூா் ஆகிய வட்டங்களில் பொது விநியோகத் திட்டம் தொடா்பாக 92 மனுக்களும், மூன்றாம் பாலினத்தவா்களிடமிருந்து கரூா், கிருஷ்ணராயபுரம் வட்டங்களில் 7 மனுக்களும் பெறப்பட்டன. இந்த மனுக்களில் 84 மனுக்களுக்குத் தீா்வு காணப்பட்டுள்ளது என்று அவா் தெரிவித்துள்ளாா்.