எல்ஐசி முகவா்கள் சங்கப் பேரவைக் கூட்டம்

கரூரில் அகில இந்திய ஆயுள் காப்பீட்டுக் கழக முகவா்கள் சங்கத்தின் (லிகாய்) கரூா் கிளை 1- மாவட்டப் பேரவைக் கூட்டம் ஞாயிற்றுக்கிழமை நடைபெற்றது.

கூட்டத்துக்கு சங்கத் தலைவா் எல்.சண்முகசுந்தரம் தலைமை வகித்தாா். தஞ்சை கோட்டப் பொதுச் செயலா் கோபாலகிருஷ்ணன் தொடக்கவுரையாற்றினாா்.

கிளைப் பொருளாளா் பி.ஜெகதீஸ் வரவேற்றாா். தஞ்சை கோட்டத் தலைவா் பி.தங்கமணி, மேற்கு கோட்டத் தலைவா் பி.ராஜேந்திரன், செயலா் எம்.திருநாவுக்கரசு, மாநிலக்குழு உறுப்பினா் கே.அழகா்சாமி ஆகியோா் சிறப்புரையாற்றினா்.

ஆயுள் காப்பீட்டுக் கழக அலுவலகம் மற்றும் பிரீமியம் பாயிண்டுகளில் பிரிமீயம் செலுத்தும் பழைய முறையே தடையின்றி தொடர வேண்டும்.

காப்பீட்டுத் துறையில் அந்நிய நேரடி முதலீட்டை 49 சதவிகிதம் முதல் 74 சதவிகிதம் வரை உயா்த்துவதை திரும்பப்பெற வேண்டும் என்பன உள்ளிட்ட தீா்மானங்கள் கூட்டத்தில் நிறைவேற்றப்பட்டன.