மாட்டு வண்டியில் திமுக வேட்பாளா் பிரசாரம்

பெரம்பலூா் சட்டப்பேரவைத் தொகுதி திமுக வேட்பாளா் எம். பிரபாகரன், எளம்பலூா் உள்பட பல்வேறு கிராமங்களில் மாட்டு வண்டியில் சென்று தீவிர பிரசாரத்தில் திங்கள்கிழமை ஈடுபட்டாா்.

எளம்பலூா் கிராமத்தில் திங்கள்கிழமை வாக்கு சேகரிப்பில் ஈடுபட்ட பெரம்பலூா் தொகுதி திமுக வேட்பாளா் எம். பிரபாகரன் பேசியது:

பெரம்பலூா் தொகுதியில், திமுக ஆட்சியில் கொண்டுவரப்பட்டு கிடப்பில் உள்ள திட்டங்களான அரசு மருத்துவக் கல்லூரி, சிறப்பு பொருளாதார மண்டலம், ஜவுளிப் பூங்கா உள்ளிட்ட திட்டங்கள் நிறைவேற்றப்படும். இளைஞா்களுக்கு வேலைவாய்ப்பு உருவாக்கும் வகையில் தொழிற்சாலைகள் அமைக்கப்படும். மக்களின் அடிப்படை தேவைகளான குடிநீா், சுகாதாரம், சாலை உள்ளிட்ட வசதிகளை நிறைவேற்ற துரித நடவடிக்கை எடுக்கப்படும். தேவைப்படும் கிராமங்களில் பள்ளிகள் தரம் உயா்வு, கால்நடை மருந்தகம், ரேசன் கடைகள் திறக்கப்படும் என்றாா் அவா்.

தொடா்ந்து செங்குணம், அருமடல், கவுள்பாளையம், நெடுவாசல், க.எறையூா், கல்பாடி, எறைய சமுத்திரம், அ.குடிக்காடு, அய்யலூா், விளாமுத்தூா், நொச்சியம், செல்லியம்பாளையம் ஆகிய கிராமங்களில் வாக்கு சேகரித்தாா்.

இந் நிகழ்ச்சியின்போது, மாவட்டச் செயலா் சி. ராஜேந்திரன், பொறியாளா் பரமேஷ்குமாா், ஒன்றியச் செயலா் அண்ணாதுரை, முன்னாள் எம்எல்ஏ எம். ராஜ்குமாா், காங்கிரஸ் கட்சி மாவட்டத் தலைவா் சுரேஷ் உள்பட பலா் கலந்து கொண்டனா்.