பள்ளி மாணவிகள் இருவருக்கு பாலியல் தொல்லை தந்தை, மகன் உள்பட 3 போ் போக்சோவில் கைது

தோகைமலை அருகே அரசுப் பள்ளி மாணவிகள் இருவருக்கு பாலியல் தொல்லைக் கொடுத்ததாக தந்தை, மகன் உள்பட 3 பேரை போலீஸாா் போக்சோ சட்டத்தின் கீழ் செவ்வாய்க்கிழமை இரவு கைது செய்தனா்.

கரூா் மாவட்டம், தோகைமலை அருகே உள்ள ஒரு அரசு பள்ளியில் செவ்வாய்க்கிழமை காலை குளித்தலை அனைத்து மகளிா் காவல் நிலைய போலீஸாா் போக்ஸோ சட்டம் குறித்து விழிப்புணா்வு ஏற்படுத்திக் கொண்டிருந்தனா்.

அப்போது, அதே பள்ளியில் பயிலும் பிளஸ் 1 மாணவி ஒருவா் போலீஸாரிடம் தங்களது வீட்டின் அருகே வசிக்கும் தனது சித்தப்பா செல்வம் மற்றும் அவரது மகனும், இதே பள்ளியில் பிளஸ்1 பயிலும் மாணவரும் சோ்ந்து எனக்கும், எனது தங்கைக்கும் தினமும் பாலியல் தொந்தரவு கொடுப்பதாகவும், இதற்கு எங்களது தாய் ஜோதி உடந்தையாக இருப்பதாகவும் கூறினாா்.

இதையடுத்து போலீசாா் உடனே கரூா் மாவட்ட குழந்தைகள் பாதுகாப்பு அலகு சமூகப் பணியாளா் கனகவல்லிக்கு தகவல் தெரிவித்தனா்.

அவா் கொடுத்த புகாரின் பேரில் குளித்தலை அனைத்து மகளிா் காவல் நிலைய போலீஸாா் செல்வம் மற்றும் அவரது மகன் பிளஸ் 1 மாணவா் மற்றும் மாணவிகளின் தாய் ஜோதி ஆகியோரை போக்சோ சட்டத்தின் கீழ் செவ்வாய்க்கிழமை நள்ளிரவு கைது செய்தனா்.

பின்னா் செல்வம், அவரது மகன் மற்றும் ஜோதி ஆகியோரை கரூா் மகளிா் விரைவு நீதிமன்றத்தில் ஆஜா்படுத்தினா். நீதிபதி உத்தரவின் பேரில் மூவரும் சிறையில் அடைக்கப்பட்டனா். இதில் பிளஸ் 1 மாணவா் திருச்சி சிறுவா் நல சீா்திருத்த பள்ளி சிறையில் அடைக்கப்பட்டாா்.