தனியாா் காற்றாலை நிறுவன ஊழியா் மீது தாக்குதல் ஊராளி கவுண்டா் கூட்டமைப்பின் மாநிலத் தலைவா் கைது!

கரூா் மாவட்டம், மாயனூா் அருகே தனியாா் காற்றாலை நிறுவன ஊழியரை தாக்கிய ஊராளி கவுண்டா் கூட்டமைப்பின் மாநிலத் தலைவரை போலீஸாா் சனிக்கிழமை கைது செய்தனா். இதை கண்டித்து, போராட்டங்களில் ஈடுபட்ட 94 போ் கைது செய்யப்பட்டனா்.

கரூா் மாவட்டத்தில் பல இடங்களில் தனியாா் சாா்பில் காற்றாலைகள் அமைக்கப்பட்டு வருகின்றன. இந்த ஆலைகளை அமைக்கும் நிறுவனத்தினா், விவசாயிகளின் அனுமதியின்றி விவசாய நிலங்களுக்குள், காற்றாலையில் இருந்து மின் சேமிப்பு கிடங்கிற்கு மின்சாரத்தை எடுத்துச் செல்லும் வகையில் மின்கம்பங்கள் அமைப்பதாகவும், அவற்றை தடுத்து நிறுத்த வேண்டும் என்றும் தமிழ்நாடு ஊராளிக் கவுண்டா் கூட்டமைப்பினா் தொடா்ந்து வலியுறுத்தி வருகின்றனா்.

இந்நிலையில், மாயனூா் அருகே மேலடை கிராமத்தில் தனியாா் காற்றாலை நிறுவனத்தினா் அப்பகுதி விவசாயிகளிடம் அனுமதி பெறாமல், விவசாய நிலங்களில் காற்றாலைக்கான மின்கம்பங்களை அமைத்தனராம். இதுகுறித்து தகவலறிந்ததும் சனிக்கிழமை அதிகாலை தமிழ்நாடு ஊராளி கவுண்டா் கூட்டமைப்பின் மாநிலத் தலைவா் நாகராஜ் தலைமையில் 20-க்கும் மேற்பட்டோா் அங்கு சென்று அங்கிருந்த ஊழியா்களிடம் வாக்குவாதத்தில் ஈடுபட்டனா்.

ஊழியா் மீது தாக்குதல்: அப்போது, அவா்களுக்கிடையே ஏற்பட்ட தகராறில் காற்றாலை ஊழியா் திருநாவுக்கரசு தாக்கப்பட்டாராம். காயமடைந்த அவா், சக ஊழியா்களால் மீட்கப்பட்டு கரூா் அரசு மருத்துவக் கல்லூரி மருத்துவமனையில் அனுமதிக்கப்பட்டாா்.

திருநாவுக்கரசு அளித்த புகாரின்பேரில், லாலாப்பேட்டை போலீஸாா் வழக்குப் பதிந்து, காணியாளம்பட்டி வீட்டிலிருந்த தமிழ்நாடு ஊராளி கவுண்டா் கூட்டமைப்பின் மாநிலத் தலைவா் நாகராஜை கைது செய்தனா்.

இந்தத் தகவலறிந்த ஊராளி கவுண்டா் கூட்டமைப்பினா் மற்றும் வீர முத்தரையா் சங்கத்தினா், கைது செய்யப்பட்ட நாகராஜை விடுவிக்க வேண்டும், அவா் மீது வழக்குப் பதியக் கூடாது என வலியுறுத்தி, தரகம்பட்டி பேருந்து நிறுத்தம், சிந்தாமணிப்பட்டி மற்றும் வீரணம்பட்டி பேருந்து நிறுத்தங்கள் பகுதிகளில் சாலை மறியலில் ஈடுபட்டனா்.

94 போ் கைது: தகவலறிந்து சம்பவ இடங்களுக்கு சென்ற போலீஸாா், மறியலில் ஈடுபட்ட 94 பேரை கைது செய்தனா். பின்னா் அவா்களை அந்தந்த பகுதியில் உள்ள தனியாா் திருமண மண்டபங்களில் தங்கவைத்து மாலையில் விடுவித்தனா். கைது சம்பவத்தால், கடவூா் மற்றும் அதன் சுற்றுவட்டார பகுதிகளில் பதற்றமான சூழல் நிலவி வருகிறது. மேலும், அந்தந்த பகுதிகளில் போலீஸாா் குவிக்கப்பட்டு பாதுகாப்புப் பணியில் ஈடுபட்டு வருகின்றனா்.