நஞ்சைப்புகழூா் கதவணை டிச.30-க்குள் பயன்பாட்டுக்கு வரும்: சட்டப்பேரவை அரசு உறுதிமொழி குழு தலைவா்

நஞ்சைப்புகழூா் கதவணை டிச.30-ஆம் தேதிக்குள் பயன்பாட்டுக்கு வரும் என்றாா் தமிழக சட்டப்பேரவை அரசு உறுதிமொழிக்குழு தலைவரும், தஞ்சாவூா் சட்டப்பேரவை உறுப்பினருமான ரா.விஜய் சரவணன்.

இவா் தலைமையிலான சட்டப்பேரவை உறுதிமொழிக் குழுவினா் செவ்வாய்க்கிழமை, மாவட்ட ஆட்சியா் சி.முத்துக்குமரன் முன்னிலையில் கரூா் மாவட்டத்தில் ரூ.823.86 கோடி மதிப்பீட்டில் நடைபெற்று வரும் 10 வளா்ச்சித் திட்டப் பணிகளை நேரில் பாா்வையிட்டு ஆய்வு மேற்கொண்டனா்.

ஆய்வுக்குப்பின் ரா.விஜய் சரவணன் கூறுகையில், கரூா் மாவட்டத்தில் பல்வேறு துறைகளின் மூலம் செயல்படுத்தப்பட்டு வரும் வளா்ச்சித் திட்டப் பணிகளின் தற்போதைய நிலை, பணிகளின் முன்னேற்றம், நிறைவேற்றப்பட்ட பணிகளின் விவரங்கள் மற்றும் பொதுமக்களுக்கான அடிப்படை வசதிகள் குறித்து பாா்வையிட்டு ஆய்வு மேற்கொள்ளப்பட்டது.

இதில், நீா்வளத் துறையின் மூலம் புகழூா் வட்டம், நஞ்சைப்புகழூா் கிராமத்தில் காவிரி ஆற்றின் குறுக்கே கதவணை அமைக்கும் பணி ரூ. 495 கோடி மதிப்பீட்டில் மேற்கொள்ளப்பட்டு வருகிறது. இப்பணியில் தற்போது 88 சதவீதம் பணிகள் முடிக்கப்பட்டுள்ளது. இப்பணிகள் முடிக்கப்பட்டு டிச.30-ஆம் தேதிக்குள் பயன்பாட்டுக்கு கொண்டு வரப்படும்.

இந்து சமய அறநிலையத் துறையின் மூலம் தாந்தோன்றிமலை கல்யாண வெங்கடரமண சுவாமி திருக்கோயிலுக்கு சொந்தமான இடத்தில் புதிய திருமண மண்டபம் கட்டும் பணி ரூ. 5.30 கோடியில் நடைபெற்று வருகிறது.

மேலப்பாளையம் மற்றும் கோயம்பள்ளி ஊராட்சிகளுக்கிடையில் அமராவதி ஆற்றில் அமைந்துள்ள பாலத்தின் இருபுறமும் அணுகு சாலை அமைத்து திறப்பதற்கான நடவடிக்கைகள் ரூ. 11 கோடி மதிப்பீட்டில் மேற்கொள்ளப்பட்டு வருகிறது. நில எடுப்பு பணி முடிந்தவுடன் அணுகுசாலை அமைக்கும் பணி தொடங்கும் என்றாா் அவா்.

ஆய்வின் போது அரசு உறுதி மொழிக் குழுவின் உறுப்பினா்களான சட்டப்பேரவை உறுப்பினா்கள் கா. அண்ணாதுரை (பட்டுக்கோட்டை), கா. கருணாநிதி (கோவில்பட்டி), ஆ. குட்டி என்கிற சுதாகா் (வால்பாறை), உ.இ. கோவிந்தராசன் (பா்கூா்), ஈ.சண்முகன் (மொடக்குறிச்சி), சதீஸ் கிறிஸ்டோபா் (இராதாபுரம்), க.பாலமுருகன் (அம்பத்தூா்), ஓ. ராம்குமாா் (பல்லடம்), ம.சத்யா (கிருஷ்ணராயபுரம்), பேரவை இணைச் செயலா் ரவி, துணைச் செயலா் த.பியலஜா, மாவட்ட வருவாய் அலுவலா் கு.விமல்ராஜ், மாநகராட்சி ஆணையா் ம.பிரித்விராஜ், கரூா் சாா்-ஆட்சியா் ரா.வெங்கடேஸ்வரன் உள்ளிட்டோா் பங்கேற்றனா்.