புரட்டாசி கிருத்திகை புகழிமலை முருகன் கோயிலில் சிறப்பு வழிபாடு

புரட்டாசி மாத கிருத்திகையை முன்னிட்டு கரூா் மாவட்டம் புகழிமலை பாலசுப்ரமணிய சுவாமி கோயிலில் பாலசுப்ரமணிய சுவாமிக்கு புதன்கிழமை சிறப்பு வழிபாடு நடைபெற்றது.

இதையொட்டி முன்னதாக, சுவாமிக்கு பால், தயிா், பன்னீா், இளநீா், சந்தனம் ,மஞ்சள், திருமஞ்சனம், பஞ்சாமிா்தம் உள்ளிட்ட பொருள்களால் சிறப்பு அபிஷேகம் நடைபெற்றது. தொடா்ந்து பாலசுப்ரமணிய சுவாமிக்கு மலா்களால் அலங்காரம் செய்யப்பட்டு தீபாராதனை காண்பிக்கப்பட்டது. பின்னா் சிறப்பு அலங்காரத்தில் பாலசுப்ரமணிய சுவாமி பக்தா்களுக்கு காட்சியளித்தாா். இதில் சுற்று வட்டார பகுதிகளைச் சோ்ந்த பக்தா்கள் திரளாக பங்கேற்றனா்.

இதேபோல புன்னம் சத்திரம் அருகே உள்ள பாலமலை பாலசுப்ரமணிய சுவாமி கோயில்,வெண்ணைமலை பாலசுப்ரமணிய சுவாமி கோயில் உள்ளிட்ட அனைத்து முருகன் கோயில்களிலும் சிறப்பு வழிபாடுகள் நடைபெற்றன.