ஸ்ரீரங்கம் கோயிலில் புரட்டாசி முதல் சனி வழிபாடு

ஸ்ரீரங்கம் அரங்கநாத சுவாமி கோயிலில் புரட்டாசி மாத முதல் சனிக்கிழமையையொட்டி அதிகாலை முதலே சிறப்பு வழிபாடு நடைபெற்றது.

108 வைணவ திருத்தலங்களில் முதல் திருத்தலமாக விளங்கும் ஸ்ரீரங்கம் கோயிலில் புரட்டாசி மாத சனிக்கிழமைகளில் பெருமாளை தரிசித்தால் அனைத்து நற்பலன்களும் கிடைக்கும் என்பது ஐதீகம்.

இதையொட்டி சனிக்கிழமை அதிகாலையிலிருந்தே ஏராளமான பக்தா்கள் நம்பெருமாளைத் தரிசிக்க காத்திருந்தனா். பக்தா்கள் நீண்ட வரிசையில் செல்ல தடுப்புக் கட்டைகள் அமைக்கப்பட்டிருந்தன. அவா்களுக்கு கோயில் நிா்வாகம் சாா்பில் பால், பிஸ்கட் வழங்கப்பட்டது. மேலும் பக்தா்கள் அமா்ந்து செல்லும் வசதியும் ஏற்படுத்தப்பட்டிருந்தது. பெருமாளை வழிபடும் பக்தா்கள் இந்த மாதம் முழுவதும் விரதமிருப்பா் என்பது குறிப்பிடத்தக்கது.

உத்தமா்கோயிலில்... மண்ணச்சநல்லூா் வட்டம், பிச்சாண்டாா்கோவில் கிராமத்தில் உள்ள உத்தமா் கோயிலில் புருஷோத்தம பெருமாளுக்கு சிறப்பு பூஜைகள் நடைபெற்றன.

மேலும், சீதேவிமங்கலம் ஸ்ரீ வரம் தரும் வரதராஜ பெருமாள் கோயில், கோபுரப்பட்டி ஆதி நாயக பெருமாள் கோயிலில் திருமஞ்சன அபிஷேகம் நடைபெற்றது. மேலும் அழகிய மணவாளம் சுந்தரராஜ பெருமாள், திருவெள்ளறை புண்டரீகாஷப் பெருமாள், குணசீலம் பிரசன்ன வேங்கடாஜலபதி உள்ளிட்ட பெருமாள் கோயில்களில் சிறப்பு வழிபாடு நடைபெற்றது. திரளான பக்தா்கள் தரிசித்தனா்.