மானியத்தில் சொட்டுநீர்,  தெளிப்பு நீர்பாசனம் அமைக்கலாம்

பெரம்பலூர் வட்டாரத்தில் மானியத்தில் சொட்டுநீர் மற்றும் தெளிப்பு நீர் பாசனம் அமைப்பதற்கு விவசாயிகளுக்கு அழைப்பு விடுக்கப்பட்டுள்ளது.
இதுகுறித்து, பெரம்பலூர் வட்டார வேளாண் உதவி இயக்குநர் கீதா வெளியிட்ட செய்திக்குறிப்பு: 
பெரம்பலூர் வட்டாரத்தில் பிரதமரின் நுண்ணீர் பாசனத் திட்டத்தின் கீழ், மானியத்தில் சொட்டுநீர் பாசனம், தெளிப்பு நீர் பாசனம் மற்றும் மழைத் தூவான் ஆகியவற்றை அரசு மானிய விலையில் அமைப்பதற்கு சிறு, குறு விவசாயிகளுக்கு 100 சதவீதம் மானியமும், இதர விவசாயிகளுக்கு 75% மானியமும் வழங்கப்படுகிறது. 
மேலும், இத்திட்டத்தின் கீழ் பயன்பெற விவசாயிகள் தங்களுடைய நில உடமை ஆவணங்களான சிட்டா, அடங்கல், நில வரைபடம், சிறு, குறு விவசாயி சான்று, ஆதார் அட்டை, மண் மற்றும் தண்ணீர் ஆய்வறிக்கை ஆகியவற்றுடன் பெரம்பலூரில் உள்ள வட்டார வேளாண்மை உதவி இயக்குநர் அலுவலகத்தை அணுகி பயன் பெறலாம் எனத் தெரிவித்துள்ளார்.