செப். 8-இல் ரேஷன்  குறைதீர் முகாம்

பெரம்பலூர் மாவட்டத்தில் உணவுப்பொருள் வழங்கல் சம்பந்தமான பொதுமக்கள் குறைதீர்க்கும் முகாம் செப். 8 ஆம் தேதி நடைபெற உள்ளது.
    பெரம்பலூர் (தெற்கு) கிராமத்தில் சமூக பாதுகாப்புத்திட்ட தனித்துணை ஆட்சியர் ச. மனோகரன்,  குன்னம் வட்டம், நன்னை (கிழக்கு) கிராமத்தில் மாவட்ட வழங்கல் மற்றும் நுகர்வோர் பாதுகாப்பு அலுவலர் பெ. ஜெயராமன்,  வேப்பந்தட்டை வட்டம், வெங்கலம் (மேற்கு) கிராமத்தில் மாவட்ட 
ஆதிதிராவிடர் மற்றும் பழங்குடியினர் நல அலுவலர் டி. மஞ்சுளா மற்றும் ஆலத்தூர் வட்டம், செட்டிக்குளம் கிராமத்தில் பொது விநியோகத்திட்ட துணை பதிவாளர் ந. ராமலிங்கம் தலைமையிலும் சனிக்கிழமை (செப்.8 ) காலை 10 மணியளவில் நடைபெற உள்ளது எனத் தெரிவிக்கப்பட்டுள்ளது.
அரியலூர்: அரியலூர் மாவட்டத்தில் கண்டராதித்தம், வெண்மான்கொண்டான் (மே), நக்கம்பாடி, விளந்தை (வ) ஆகிய 4 கிராமங்களில் ரேஷன் குறைதீர்க் கூட்டம் செப். 8 ஆம் தேதி நடைபெறுகிறது. வட்ட வழங்கல் அலுவலர்கள் தலைமையில் நடைபெற உள்ளது  என ஆட்சியர் மு. விஜயலட்சுமி  தெரிவித்துள்ளார்.