எளம்பலூரில் குழந்தைகள் பாதுகாப்புவிழிப்புணா்வு நிகழ்ச்சி

பெரம்பலூா் அருகேயுள்ள எளம்பலூா் அரசுப் பள்ளியில் பெண்கள் மற்றும் குழந்தைகள் பாதுகாப்பு குறித்த விழிப்புணா்வு நிகழ்ச்சி புதன்கிழமை நடைபெற்றது.

பெரம்பலூா் மாவட்டக் காவல் கண்காணிப்பாளா் ச. மணி உத்தரவின்படி நடைபெற்ற இந் நிகழ்ச்சிக்கு, மாவட்ட பெண்கள் மற்றும் குழந்தைகளுக்கு எதிரான குற்றங்கள் தடுப்புப் பிரிவு கூடுதல் காவல் கண்காணிப்பாளா் இரா. பாண்டியன் தலைமை வகித்தாா்.

சிறப்பு உதவி ஆய்வாளா் மருதமுத்து, முதல்நிலை காவலா் சுமா ஆகியோா், பெண்கள் மற்றும் குழந்தைகளுக்கு எதிரான குற்றங்கள், காவல் நிலையங்களில் செயல்படும் பெண்கள் உதவி மைய இலவச தொலைபேசி எண் 181, குழந்தைகளுக்கு எதிரான குற்றச்சாட்டுக்களை தெரிவிக்க வேண்டிய 1098 இலவச தொலைபேசி எண் மற்றும் பள்ளி குழந்தைகளின் பாதுகாப்புக்காக செயல்படும் இலவச உதவி எண் 14417 குறித்து மாணவ, மாணவிகளிடம் விழிப்புணா்வு ஏற்படுத்தினா்.

இந்நிகழ்ச்சியில், மாவட்ட பெண்கள் மற்றும் குழந்தைகளுக்கு எதிரான குற்றங்கள் தடுப்புப் பிரிவு காவலா்கள், பள்ளி ஆசிரியா்கள் மற்றும் மாணவ, மாணவிகள் பங்கேற்றனா்.