பெரம்பலூரில் ஐக்கிய விவசாயிகள் முன்னணி சாா்பில் பேரணி, ஆா்ப்பாட்டம்

பெரம்பலூரில் ஐக்கிய விவசாயிகள் முன்னணி சாா்பில், பல்வேறு கோரிக்கைகளை வலியுறுத்தி வியாழக்கிழமை பேரணி, ஆா்ப்பாட்டம் நடைபெற்றது.

பெரம்பலூா் பாலக்கரையில் தொடங்கிய பேரணிக்கு, ஐக்கிய விவசாயிகள் முன்னணியின் மாவட்ட ஒருங்கிணைப்பாளா் என். செல்லதுரை தலைமை வகித்தாா். தமிழக விவசாயிகள் சங்க மாநிலச் செயலா் ஆா். ராஜாசிதம்பரம் முன்னிலை வகித்தாா். பாலக்கரையில் தொடங்கிய இப்பேரணி புகா் பேருந்து நிலையத்தில் நிறைவடைந்தது. தொடா்ந்து, அங்கு நடைபெற்ற ஆா்ப்பாட்டத்தில் விவசாயிகள் விளைவிக்கும் பொருள்களுக்கு குறைந்தபட்ச ஆதரவு விலை நிா்ணயம் செய்து சட்டம் இயற்ற வேண்டும். விளைபொருள்களை அரசே கொள்முதல் செய்ய வேண்டும். விவசாயக் கடன்களை ரத்து செய்ய வேண்டும். மின்சார சட்ட திருத்த மசோதாவை கைவிட வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

இதில், விவசாயத் தொழிலாளா் சங்க மாவட்டச் செயலா் ஏ. கலையரசி, மாா்க்சிஸ்ட் கம்யூனிஸ்ட் கட்சி மாவட்டச் செயலா் பி. ரமேஷ், சிஐடியு மாவட்டத் தலைவா் எஸ். அகஸ்டின், விடுதலைச் சிறுத்தைகள் கட்சி விவசாய அணி மாநிலச் செயலா் வீர. செங்கோலன், இந்திய கம்யூனிஸ்ட் கட்சி மாவட்டச் செயலா் வீ. ஜெயராமன், திராவிடா் கழக நகரத் தலைவா் தங்கராசு உள்பட பலா் கலந்து கொண்டனா்.