மழையால் பாதிப்பு : நிவாரணம் வழங்க மாா்க்சிஸ்ட் கம்யூனிஸ்ட் வலியுறுத்தல்

பெரம்பலூா் மாவட்டத்தில் தொடா் மழையால் பாதிப்புக்குள்ளான பயிா்களுக்கு உரிய நிவாரணம் வழங்க வேண்டுமென, மாா்க்சிஸ்ட் கம்யூனிஸ்ட் கட்சியின் மாவட்டக் குழுக் கூட்டத்தில் வலியுறுத்தப்பட்டுள்ளது.

பெரம்பலூா் புகா் பகுதியான துறைமங்கலத்தில் உள்ள மாா்க்சிஸ்ட் கம்யூனிஸ்ட் கட்சி அலுவலகத்தில் மாவட்டக் கூழுக் கூட்டம் புதன்கிழமை நடைபெற்றது.

இக் கூட்டத்துக்கு, மாவட்ட செயற்குழு உறுப்பினா் எஸ். அகஸ்டின் தலைமை வகித்தாா். செயற்குழு உறுப்பினா்கள் என். செல்லதுரை, எ.க லையரசி, எ. ரெங்கநாதன், ஏ.கே. ராஜேந்திரன், மருத்துவா் சி.க ருணாகரன் ஆகியோா் முன்னிலை வகித்தனா். மாவட்டச் செயலா் பி. ரமேஷ் அறிக்கையை முன்மொழிந்தாா். மாநிலக் குழு உறுப்பினா் சாமி. நடராஜன், கட்சியின் மாநிலக் குழு முடிவுகள் குறித்து உரையாற்றினாா்.

கூட்டத்தில், ஜனநாயகத்தையும், இந்தியாவின் மகத்தான பன்முகத் தன்மையையும் சிதைக்கும் மத்திய அரசின், ‘ஒரே நாடு, ஒரே தோ்தல்’ நடவடிக்கைகளுக்கு எதிராக பெரம்பலூரில் கண்டன ஆா்ப்பாட்டத்தில் ஈடுபடுவது. பெரம்பலூா் மாவட்டத்தில் தொடா் மழையால் பாதிக்கப்பட்ட மக்காச்சோளம், பருத்தி, சின்ன வெங்காயம், மரவள்ளிக் கிழங்கு, மஞ்சள் உள்ளிட்ட அனைத்து பயிா்களுக்கும், உரிய நிவாரணம் வழங்கி விவசாயிகளின் வாழ்வாதரத்தை பாதுகாத்திட வேண்டும்.

விழுப்புரத்தில் ஜன. 3- 5 ஆம் தேதிகளில் நடைபெறும் 24 ஆவது மாநில மாநாட்டை முன்னிட்டு, டிச. 25 ஆம் தேதி கொடியேற்றி, விளம்பர பதாகைகள் வைத்து பொதுமக்களிடம் விழிப்புணா்வு ஏற்படுத்துவது என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

தொடா்ந்து, நடைபெற உள்ள அகில இந்திய மாநாட்டு நிதியாக ரூ. 50 ஆயிரம் வழங்கப்பட்டது.

இக் கூட்டத்தில், நகரச் செயலா் எ. இன்பராஜ், ஒன்றியச் செயலா்கள் கே.எம். சக்திவேல், எஸ். பஸ்காரன், பி. பெரியசாமி, மாவட்டக் குழு உறுப்பினா்கள் எம். கருணாநிதி, ஆா். கோகுலகிருஷ்ணன், ஆா். மகேஸ்வரி, ஜி. கிருஷ்ணமுா்த்தி, எழுத்தாளாா் இரா. எட்வின், ஆா். ராமகிருஷ்ணன் உள்ளிட்ட பலா் கலந்துகொண்டனா்.