பள்ளியில் போதைப் பொருள் தடுப்பு விழிப்புணா்வு முகாம்

பெரம்பலூா் அரசு மேல்நிலைப் பள்ளியில் போதைப் பொருள் தடுப்பு விழிப்புணா்வு முகாம் வியாழக்கிழமை நடைபெற்றது.

பெரம்பலூா் மாவட்டக் காவல் கண்காணிப்பாளா் ஆதா்ஷ் பசேரா உத்தரவின் பேரில், மதுவிலக்கு அமலாக்கப் பிரிவு சாா்பில் நடைபெற்ற முகாமுக்கு தலைமை வகித்த கூடுதல் காவல் கண்காணிப்பாளா் எம். பாலமுருகன் பேசியது:

போதுமான விழிப்புணா்வு இல்லாததால் மாணவா்களில் சிலா் தவறான வழியில் செல்கின்றனா். அவா்களை நல்வழிப்படுத்த வேண்டும் என்பது அவா்களது பெற்றோா் மட்டுமின்றி அனைவரின் விருப்பமாக உள்ளது. போதைப் பொருளுக்கு அடிமையாவதால் மனதளவிலும், உடலளவிலும் மிகுந்த பாதிப்பு ஏற்படும். எனவே போதைப் பழக்கம் இல்லாத சமுதாயத்தை உருவாக்க அனைவரும் பாடுபட வேண்டும் என்றாா் அவா்.

நிகழ்வில் பள்ளித் தலைமை ஆசிரியா், ஆசிரியா்கள், மாணவ, மாணவிகள் மற்றும் மதுவிலக்கு அமலாக்கப் பிரிவினா் பங்கேற்றனா்.