சிறப்பு வாக்காளா் பட்டியல் பாா்வையாளா் ஆலோசனை
இந்திய தோ்தல் ஆணையத்தால், பெரம்பலூா் மாவட்டத்துக்கு வாக்காளா் பட்டியல் சிறப்பு பாா்வையாளராக நிமியக்கப்பட்டுள்ள நீரஜ் கா்வால், அங்கீகரிக்கப்பட்ட அரசியல் கட்சிகளின் பிரதிநிதிகள், வாக்காளா் பதிவு அலுவலா்கள், உதவி வாக்காளா் பதிவு அலுவலா்களுடன் வெள்ளிக்கிழமை ஆலோசனை மேற்கொண்டாா்.
பெரம்பலூா் மாவட்ட ஆட்சியா் அலுவலக கூட்ட அரங்கில், அங்கீகரிக்கப்பட்ட அரசியல் கட்சிகளின் பிரதிநிதிகளிடம் ஆலோசனை மேற்கொண்ட அவா், வாக்காளா் பட்டியல் திருத்தப் பணிகள், வரைவு வாக்காளா் பட்டியல் வெளியீடு மற்றும் புதிய வாக்காளா்களை சோ்ப்பது தொடா்பாக விளக்கி கூறினாா்.
தொடா்ந்து, மாவட்ட தோ்தல் அலுவலரும், மாவட்ட ஆட்சியருமான ந. மிருணாளினி முன்னிலையில், வாக்காளா் பதிவு அலுவலா்கள் மற்றும் உதவி வாக்காளா் பதிவு அலுவலா்களுடன் ஆலோசனை மேற்கொண்ட பாா்வையாளா், வாக்காளா் பட்டியல் திருத்தப் பணிகளின் செயல்பாடு, புதிய வாக்காளா்களை சோ்ப்பதற்கான பணிகள் குறித்து ஆலோசனை நடத்தினாா்.
பின்னா், துறைமங்கலம் பகுதியில் உள்ள டி.இ.எல்.சி பள்ளி வாக்குச்சாவடி மையத்தை பாா்வையிட்டு ஆய்வு மேற்கொண்ட நீரஜ் கா்வால், அப் பகுதிக்கான வாக்குச்சாவடி நிலை அலுவலா்களுடன், வாக்காளா் பட்டியல் திருத்தப்பணிகள் தொடா்பாக கலந்துரையாடினாா்.
நிகழ்ச்சிகளில், மாவட்ட வருவாய் அலுவலா் க. கண்ணன், மாவட்ட ஆட்சியரின் நோ்முக உதவியாளா் (நிலமெடுப்பு) சொா்ணராஜ், வருவாய் கோட்டாட்சியா் மு. அனிதா, மாவட்ட வழங்கல் அலுவலா் ந. சக்திவேல், தோ்தல் வட்டாட்சியா் அருளானந்தம் மற்றும் வட்டாட்சியா்கள், அங்கீகரிக்கப்பட்ட அரசியல் கட்சி பிரநிதிகள் கலந்துகொண்டனா்.