புதிய தமிழகம் கட்சியினா் ஆா்ப்பாட்டம்

விடுதிகளில் மாட்டிறைச்சி தொடா்பான சமூக நீதித் துறை அமைச்சரின் கருத்தை திரும்பப் பெறக் கோரி, பெரம்பலூா் மாவட்ட ஆட்சியா் அலுவலகம் எதிரே புதிய தமிழகம் கட்சியினா் புதன்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு தலைமை வகித்து, அக் கட்சியின் மாவட்டச் செயலா் த. அருண்குமாா் பேசியது:

மாணவா்களுக்கான தமிழக அரசின் விடுதிகளில் மாட்டிறைச்சி வழங்க பரிசீலனை செய்யப்படும் என்ற சமூக நீதித் துறை அமைச்சரின் கருத்து கண்டனத்துக்குரியது. கல்வி நிலையங்கள் மட்டுமல்லாது, விடுதிகளிலும் சமூக நல்லிணக்கத்தை மேம்படுத்தும் வகையில் மாணவா் சோ்க்கை உள்ளது. எனவே, சமூக நல்லிணக்கத்துக்கு மாறாக, சமூகத்துக்கு முரணான கருத்து தெரிவித்துள்ள அமைச்சா் வன்னியரசு உடனடியாக வருத்தம் தெரிவித்து கருத்தை திரும்பப் பெற வேண்டும் என்றாா் அவா்.

தொடா்ந்து, தமிழக அரசின் சமூக நீதித்துறை விடுதிகளில் மாட்டிறைச்சி வழங்க பரிசீலனை எனும் கருத்தை அமைச்சா் திரும்ப பெறக் கோரியும், அமைச்சரின் கருத்தை தமிழக முதல்வா் கண்டித்திட வலியுறுத்தியும் ஆா்ப்பாட்டத்தில் ஈடுபட்டோா் முழக்கமிட்டனா்.

ஆலத்தூா் ஒன்றியச் செயலா்கள் ந. குணா, க. மதியழகன், பெரம்பலூா் ஒன்றியச் செயலா் இரா. பிரகாஷ், நகரச் செயலா் த. வெங்கடேசன் ஆகியோா் முன்னிலையில் நடைபெற்ற ஆா்ப்பாட்டத்தில், மாவட்ட நிா்வாகிகள் மணிகண்டன், பாா்த்திபன், மகளிா் அணி அமைப்பாளா் ராதிகா விஜயா உள்ளிட்ட பலா் கலந்துகொண்டனா்.