கஜா புயலால் பாதித்த மக்களுக்கு எல்.இ.டி, பல்புகள்

அறந்தாங்கி பகுதியில் கஜா புயல் பாதித்த இடங்களில் மூன்றாம் கட்டமாக  எல்.இ.டி.  சார்ஜர் பல்புகள் செவ்வாய் கிழமை வழங்கப்பட்டன.
அறந்தாங்கி திசைகள் அமைப்பு மற்றும் சிலட்டூர் ஜம்பொன் அம்மாள் அறக்கட்டளை சார்பாக   புதுக்கோட்டை மாவட்டத்தில்  கஜா புயலால் பாதிக்கப்பட்ட  இடங்களில்  இரு கட்டங்களாக பல்வேறு கிராமங்களுக்கு  எல்.இ.டி., பல்புகள் வழங்கப்பட்டன.
இதைத் தொடர்ந்து, செவ்வாய்க்கிழமை  மூன்றாவது  கட்டமாக , அரசர்குளம் கீழ்பாதி கிராமத்துக்கு  250 பல்புகளும், சேதுபாவசித்திரம் பகுதிக்கு  500 பல்புகளும், விளங்குடி கிராமத்திற்கு  300 விளக்குகளும் வழங்கப்பட்டன. 
திசைகள் அமைப்பின்  தலைவர் மருத்துவர் ச.தெட்சிணாமூர்த்தி, ஜம்பொன் அம்மாள் அறக்கட்டளை தலைவர்  சேது.புகழேந்தி, பிரபு மற்றும்  செல்லத்துரை உள்ளிட்ட நிர்வாகிகள்  இதை  வழங்கினர்.