பள்ளி, கல்லூரி மாணவ, மாணவிகள் விடுதிகளில் சேர விண்ணப்பிக்கலாம்

புதுக்கோட்டை மாவட்டத்தில்  பிற்படுத்தப்பட்டோர், மிக பிற்படுத்தப்பட்டோர், சீர்மரபினர் இனத்தைச் சேர்ந்த மாணவ, மாணவிகள்  விடுதியில் சேர விண்ணப்பிக்கலாம் என ஆட்சியர் சு.கணேஷ் தெரிவித்துள்ளார்.
இதுகுறித்து அவர் வெளியிட்டுள்ள செய்திக்குறிப்பு:
புதுகை மாவட்டத்தில் பிற்படுத்தப்பட்டோர்,  மிக பிற்படுத்தப்பட்டோர், சீர் மரபினர் பள்ளி மாணவ, மாணவிகளுக்கு 46 மாணவிகள் விடுதிகள், 19 மாணவர் விடுதிகள் உள்ளன. பாலிடெக்னிக், ஐடிஐ பயிலும் மாணவர்களுக்கு 5 விடுதிகள், மாணவிகளுக்கு 4 விடுதிகள் செயல்படுகின்றன. இந்த விடுதிகளில்  அனைத்து வகுப்பைச் சேர்ந்த மாணவ, மாணவிகள் குறிப்பிட்ட  விகிதாச்சார அடிப்படையில் சேர்த்துக் கொள்ளப்படுகின்றனர். விடுதி மாணவ, மாணவிகளுக்கு  உணவு, தங்கும் வசதி உள்பட அனைத்து அரசின் சலுகைகளும் வழங்கப்படும். தகுதியுடைய மாணவ, மாணவிகள் விண்ணப்பங்களை சம்மந்தப்பட்ட விடுதி காப்பாளரிடமோ, மாவட்ட ஆட்சியர் அலுவலகத்தில் உள்ள மாவட்ட  பிற்படுத்தப்பட்டோர், சிறுபான்மையினர்  நல அலுவலகம் அல்லது இணை இயக்குநர் (கள்ளர் சீரமைப்பு) அலுவலகத்தில்  இலவசமாக பெற்றுக் கொள்ளலாம்.