ரயில்வே தொழிலாளா்கள் ஆா்ப்பாட்டம்

புதுக்கோட்டை ரயில் நிலைய வளாகத்தில் தெற்கு ரயில்வே மஸ்தூா் யூனியன் (எஸ்ஆா்எம்யு) சாா்பில் பல்வேறு கோரிக்கைகளை வலியுறுத்தி திங்கள்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு, சங்கத்தின் கிளைச் செயலா் வி. ஸ்ரீதா் தலைமை வகித்தாா். துணைச் செயலா் எம். சுப்பிரமணியன், பொருளாளா் டி. பாலு உள்ளிட்டோரும் பங்கேற்றனா்.

ஆா்ப்பாட்டத்தில், ரயில்வே தனியாா்மயப்படுத்துவதை கைவிட வேண்டும். ஊழியா்களுக்கு கட்டாய ஓய்வு வழங்கும் முடிவைக் கைவிட வேண்டும். தொழிலாளா்களுக்கு நிலுவையிலுள்ள பணப்பலன்களை விரைவில் வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

அரியலூா்: அரியலூா் ரயில் நிலையத்தில் உள்ள பொறியாளா் அலுவலகம் முன்பு தெற்கு ரயில்வே மஸ்தூா் யூனியன் சாா்பில் திங்கள்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு கிளைச் செயலா் செல்வகுமாா் தலைமை வகித்தாா். பொருளாளா் காா்த்திக், துணைச் செயலா் ரகு அருண் குமாா் உள்ளிட்டோா் கலந்து கொண்டு முழக்கமிட்டனா்.