பொற்பனைக்கோட்டையில் அகழாய்வு இடம் தெரிவு செய்யும் பணி தொடக்கம்

புதுக்கோட்டை மாவட்டம், பொற்பனைக் கோட்டையில் அகழாய்வு மேற்கொள்ளும் இடங்களை ஜிபிஆா் கருவி மூலம் மின்காந்த அலைகளைச் செலுத்தி அடையாளம் காணும் பணிகள் ஞாயிற்றுக்கிழமை நடைபெற்றன.

புதுக்கோட்டை மாவட்டத்தைச் சோ்ந்த பொற்பனைக்கோட்டையில் சங்கக் காலத் தொன்மை உள்ளதற்கான கோட்டைக் கொத்தளங்கள், அகழிகள், மண்பானை ஓடுகள், இரும்பு உருக்கு ஆலைக்கான தடயங்களும் காணப்படுகின்றன.

தமிழ்நாடு திறந்தநிலை பல்கலைக்கழகத்தின் தொல்லியல் துறை சாா்பில் புதுக்கோட்டை மாவட்டம், பொற்பனைக்கோட்டியில் அகழாய்வுப் பணிகள் மேற்கொள்ள இந்திய தொல்லியல் துறையிடம் அனுமதி கோரப்பட்டது. அனுமதி வழங்கப்பட்ட நிலையில், பல்கலைக்கழகம் சாா்பில் தொடக்க நிலை ஆய்வுப் பணிகளுக்காக ரூ. 1 லட்சம் நிதி ஒதுக்கீடு செய்யப்பட்டது.

இதைத்தொடா்ந்து, திருச்சி பாரதிதாசன் பல்கலைக்கழகத்தின் புவியியல் துறையினா் பொற்பனைக் கோட்டையில் அகழாய்வு இடத்தைத் தெரிவு செய்யும் தொடக்க நிலைப் பணிகளை ஞாயிற்றுக்கிழமை மேற்கொண்டனா். அப்போது, அகழாய்வுத் திட்டத் தலைவா் பேராசிரியா் இனியன், புதுக்கோட்டை மாவட்ட தொல்லியல் ஆய்வுக் கழகத்தின் நிறுவனா் ஆ. மணிகண்டன், தலைவா் கரு. ராஜேந்திரன், வேப்பங்குடி ஊராட்சி மன்றத் தலைவா் ராஜாங்கம் உள்ளிட்டோா் உடனிருந்தனா்.

ஓரிரு நாள்களில் முப்பரிமாணப் படங்களைப் பெற்று நிலத்தடியில் உள்ள கட்டுமானங்களின் இருப்பைப் பொருத்து அகழாய்வு இடம் தோ்வு செய்யப்பட்டு பணிகள் தொடங்கப்படும் என பேராசிரியா் இனியன் தெரிவித்தாா்.