‘கற்போம் எழுதுவோம்’ மதிப்பீட்டு முகாம்

புதுகை மாவட்டம், திருவரங்குளம் ஒன்றியம், மேட்டுப்பட்டி ஊராட்சி ஒன்றியப் பள்ளியில் நடைபெற்று வரும் கற்போம் எழுதுவோம் இயக்கத்தில் பயிலும் கற்போருக்கான மதிப்பீட்டு முகாமை மாவட்ட முதன்மைக் கல்வி அலுவலா் த. விஜயலட்சுமி வியாழக்கிழமை நேரில் பாா்வையிட்டு ஆய்வு செய்தாா்.

ஆய்வின்போது அறந்தாங்கி மாவட்டக் கல்வி அலுவலா் கு. திராவிடச் செல்வம், திருவரங்குளம் வட்டாரக் கல்வி அலுவலா்கள் நடராஜன், ஜேம்ஸ் ஆரோக்கியசாமி, புவனேஸ்வரி, மலா்விழி மற்றும் வட்டார வள மைய மேற்பாா்வையாளா் செல்வராசு ஆகியோா் உடன் இருந்தனா்.

இதேபோல் புதுக்கோட்டை மாவட்டத்தில் 394 மையங்களில் நடைபெறும் கற்போருக்கான மதிப்பீட்டு முகாமை, மாவட்ட ஆசிரியா் பயிற்சி நிறுவன முதல்வா் நடராஜன் மற்றும் விரிவுரையாளா்கள், புதுக்கோட்டை மாவட்டக் கல்வி அலுவலா் கே.எஸ்.இராஜேந்திரன், இலுப்பூா் மாவட்டக் கல்வி அலுவலா் பா.சண்முகநாதன், ஒருங்கிணைந்த பள்ளிக் கல்வி உதவி திட்ட அலுவலா் ரவிச்சந்திரன் உள்ளிட்டோா் ஆய்வு செய்தனா்.