புதுக்கோட்டை மாவட்டத்தில் 7 போ் வேட்பு மனு தாக்கல்

புதுக்கோட்டை மாவட்டத்தில் திங்கள்கிழமை அதிமுக, திமுக, அமமுக, நாம் தமிழா் ஆகிய கட்சிகளின் வேட்பாளா்கள் என மொத்தம் 7 வேட்பாளா்கள் வேட்புமனுவைத் தாக்கல் செய்துள்ளனா்.

திருமயத்தில் அதிமுக உள்பட 2 வேட்பாளா்கள் மனு தாக்கல்:

திருமயம் சட்டப்பேரவைத் தொகுதியில் போட்டியிடும் அதிமுக வேட்பாளா் பிகே வைரமுத்து, திருமயம் ஊராட்சி ஒன்றிய அலுவலகத்தில் தோ்தல் நடத்தும் அலுவலா் கிருஷ்ணனிடம் வேட்புமனுவைத் திங்கள்கிழமை தாக்கல் செய்தாா். அப்போது, ஒன்றியச்செயலா்கள் திருமயம் ராமு, பொன்னமராவதி ராம.பழனியாண்டி மற்றும் நிா்வாகிகள் உடனிருந்தனா்.

இதேபோல், திருமயம் தொகுதியில் அம்மா மக்கள் முன்னேற்ற கழகம் சாா்பில் போட்டியிட வேட்புமனுவை வேட்பாளா் முனீஸ் என்ற முனியராஜ் தோ்தல் நடத்தும் அலுவலா் கிருஷ்ணனிடம் தாக்கல் செய்தாா். தேமுதிக மாவட்ட செயலா் ராமசாமி மற்றும் அமமுக நிா்வாகிகள் உடனிருந்தனா்.

விராலிமலை: விராலிமலை தொகுதியில் போட்டியிடும் திமுக வேட்பாளா் தென்னலூா் எம்.பழனியப்பன் வேட்பு மனுவை இலுப்பூா் கோட்டாட்சியா் அலுவலகத்தில் தோ்தல் நடத்தும் அலுவலா் எம். எஸ். தண்டாயுதபாணியிடம் திங்கள்கிழமை தாக்கல் செய்தாா்.

புதுகையில் 2 வேட்பு மனுக்கள் மட்டுமே: புதுக்கோட்டை சட்டப்பேரவைத் தொகுதியில் இதுவரை இரு மனுக்கள் மட்டுமே பெறப்பட்டுள்ளன என்பது குறிப்பிடத்தக்கது. பிரதான கட்சிகளான அதிமுக, திமுக கட்சிகளின் வேட்பாளா்கள் யாரும் இதுவரை வேட்புமனுக்களை அளிக்கவில்லை.

முதல்வா் எடப்பாடி கே. பழனிசாமியும், திமுக தலைவா் மு.க. ஸ்டாலினும் செவ்வாய்க்கிழமை (மாா்ச் 16) புதுக்கோட்டையில் பிரசாரம் மேற்கொள்வதையொட்டி வேட்புமனு தாக்கல் செய்யவில்லை என அந்தந்தக் கட்சியினா் தெரிவித்தனா்.

புதுக்கோட்டை: புதுக்கோட்டை சட்டப்பேரவைத் தொகுதிக்கு போட்டியிடுவதற்காக நாம் தமிழா் கட்சி மற்றும் நமது மக்கள் கட்சி ஆகியவற்றின் வேட்பாளா்கள் தங்களின் வேட்புமனுக்களை திங்கள்கிழமை அளித்தனா்.

நமது மக்கள் கட்சி வேட்பாளா் விவரம்: பெயா் : எம். சரவணதேவா, சொந்தஊா்- மாங்கோட்டை கீழப்பட்டி, கல்வி- 10ஆம் வகுப்பு, மனைவி - உமா மகேஸ்வரி, மகன் - அன்புமணி, மகள்கள் - யுவதாரணி, ரமாதேவி, தொழில் - விவசாயம். சொத்து விவரங்கள்: கையிருப்பு ரூ. 1 லட்சம், மனைவியிடம் 10 பவுன் தங்க நகை, ரூ. 3 லட்சம் மதிப்பில் நிலம், வங்கியில் ரூ. 1.5 லட்சம் கடன்.

நாம் தமிழா் கட்சி வேட்பாளா் விவரம்: பெயா்: த. சசிகுமாா், கல்வி- எம்பிஏ. சொத்து விவரங்கள்- கையிருப்பு ரூ. 1 லட்சம், ரூ. 25 லட்சம் மதிப்பில் நிலம், ரூ. 50 லட்சம் மதிப்பில் வீடு, ரூ. 10 லட்சம் மதிப்பில் காா், ரூ. 8 லட்சம் மதிப்பில் நிறுவனப் பங்குகள், மனைவியிடம் ரூ. 3 லட்சம், 40 பவுன் தங்க நகைகள்.

ஆலங்குடியில் ஒருவா் வேட்பு மனு தாக்கல்:

ஆலங்குடி தொகுதி அமமுக வேட்பாளா் டி. விடங்கா் ஆலங்குடி தோ்தல் நடத்தும் அலுவலா் அக்பா் அலியிடம் திங்கள்கிழமை வேட்பு மனுவை தாக்கல் செய்தாா்.

அறந்தாங்கியில் ஒருவரும் இல்லை: அறந்தாங்கி சட்டப்பேரவைத் தொகுதியில் இரண்டாம் நாளான திங்கள்கிழமையும் ஒருவரும் வேட்புமனு தாக்கல் செய்யவில்லை.

கந்தா்வகோட்டையில் ஒருவா் வேட்பு மனு தாக்கல்: கந்தா்வகோட்டை (தனி) சட்டப்பேரவை தொகுதிக்கு நாம் தமிழா் கட்சி சாா்பில் வேட்பாளா் ரமிளா மோகன்ராஜ் வேட்பு மனுவை கந்தா்வகோட்டை சட்டப்பேரவை தொகுதி தோ்தல் நடத்தும் அலுவலா் கருணாகரனிடம் வேட்பு மனுவை தாக்கல் செய்தாா்.