அன்னவாசல் பேரூராட்சியை கைப்பற்றியது அதிமுக: தள்ளுமுள்ளு- போலீஸாா் தடியடி

புதுக்கோட்டை மாவட்டம், அன்னவாசல் பேரூராட்சியை பரபரப்புக்கிடையே அதிமுக கைப்பற்றியது. திமுகவினருக்கும் போலீஸாருக்கும் இடையே தள்ளுமுள்ளு ஏற்பட்டதை தொடா்ந்து, போலீஸாா் தடியடி நடத்தினா்.

புதுக்கோட்டை மாவட்டத்திலுள்ள 2 நகராட்சி மற்றும் 8 பேரூராட்சியில், அன்னவாசல் பேரூராட்சியை தவிர மற்ற அனைத்து இடங்களிலும் திமுக முழுமையாக வெற்றி பெற்று தலைவா், துணைத் தலைவா் பதவியைக் கைப்பற்றியது.

அன்னவாசல் பேரூராட்சியில் மொத்தமுள்ள 15 வாா்டுகளில் அதிமுக-8, திமுக-5, சுயேச்சை, காங்கிரஸ் தலா 1 வாா்டுகளிலும் வெற்றி பெற்றிருந்தனா்.

அதிமுக வாா்டு உறுப்பினா்கள் தாக்கல் செய்த மனுவின் அடிப்படையில், அன்னவாசல் பேரூராட்சியில் வெள்ளிக்கிழமை நடைபெறும் தலைவா் பதவிக்கு நடைபெறும் மறைமுகத் தோ்தலில் வாக்களிக்க வரும் அதிமுக, சுயேச்சை உறுப்பினா்களுக்கு உரிய பாதுகாப்பு வழங்க வேண்டும் என எஸ்.பி. நிஷாபாா்த்திபனுக்கு உயா்நீதிமன்ற மதுரைக் கிளை வியாழக்கிழமை உத்தரவிட்டிருந்தது.

இதன்படி ஒரு சுயேச்சை, 8 அதிமுக உறுப்பினா்கள் என மொத்தம் 9 பேரையும் பலத்த பாதுகாப்புடன் அழைத்து வந்த போலீஸாா், வெள்ளிக்கிழமை காலை 5 மணிக்கே பேரூராட்சி அலுவலகத்துக்குள் அனுப்பிவைத்தனா்.

திமுகவினா் வாக்குவாதம்: இதையறிந்த திமுகவினா், அனுமதிக்கப்பட்ட நேரத்திற்கு முன்னதாக உறுப்பினா்களை எப்படி அலுவலகத்துக்குள் அனுமதிக்கலாம் என்று கூறி, போலீஸாருடன் வாக்குவாதத்தில் ஈடுபட்டனா். இதனால் காலையிலேயே பிரச்னை தொடங்கியது.

இதைத் தொடா்ந்து உதவித் தோ்தல் நடத்தும் அலுவலா், 9 உறுப்பினா்களையும் அரங்கிலிருந்து வெளியே அனுப்பினாா். இதனால் பரபரப்பான சூழல் ஏற்பட்டதையடுத்து, மேற்கூறிய 9 பேருக்கும் போலீஸாா் 3 அடுக்கு பாதுகாப்பு வழங்கினா்.

அப்போது, அங்கு வந்த திமுக வடக்கு மாவட்டப் பொறுப்பாளா் கே. கே.செல்லபாண்டியன் தலைமையிலான திமுகவினா் போலீஸாருடன் தொடா்ந்து வாக்குவாதத்தில் ஈடுபட்டனா்.

அதிமுக நிா்வாகிகளும் போலீஸாருடன் வாக்குவாதத்தில் ஈடுபட்டபடி அங்கு வந்ததால் பரபரப்பு ஏற்பட்டது. அதிமுக நிா்வாகிகளை போலீஸாா் அங்கிருந்து அப்புறப்படுத்தினா்.

தள்ளுமுள்ளு: இதனிடையே, காலை 9.30 மணி அளவில் அதிமுக மற்றும் சுயேச்சை உறுப்பினா் 9 பேரையும் மறைமுக தோ்தலில் வாக்களிப்பதற்காக போலீஸாா் பேரூராட்சி அலுவலகத்திற்குள் அழைத்துச் சென்றனா். அலுவலக அரங்கில் மறைமுகத் தோ்தல் நடந்து கொண்டிருப்பதை அறிந்து ஆத்திரமடைந்த திமுகவினா், போலீஸாரை மீறி உள்ளே செல்ல முயன்ால், திமுகவினருக்கும் போலீஸாருக்கும் இடையே கடுமையான வாக்குவாதம் மற்றும் தள்ளுமுள்ளு ஏற்பட்டது.

போலீஸாா் தடியடி: அப்போது சிலா், பேரூராட்சி அலுவலகம் மற்றும் போலீஸாா் மீது கல்வீச தொடங்கியதால், நிலைமையைக் கட்டுக்குள் கொண்டு வர எஸ்.பி. நிஷா பாா்த்திபன் உத்தரவின் பேரில் போலீஸாா் தடியடி நடத்தி, கூட்டத்தை கலைத்தனா். தடியடி மற்றும் கல்வீச்சு சம்பவத்தில் திமுகவினா் 4 போ் போ் காயமடைந்தனா்.

தலைவா் தோ்வு: பேரூராட்சி அலுவலகத்தில் நடைபெற்ற மறைமுகத் தோ்தலில் திமுக, காங்கிரஸ் உறுப்பினா்கள் கலந்து கொள்ளவில்லை. ஆனாலும், 9 வாக்குகள் பெற்று அதிமுக உறுப்பினா் சாலை பொன்னம்மா பேரூராட்சித் தலைவராக போட்டியின்றி தோ்வு செய்யப்பட்டதாக உதவித் தோ்தல் நடத்தும் அலுவலா் மாதேஸ்வரன் அறிவித்தாா்.

இதனால் மீண்டும் ஆத்திரமடைந்த திமுகவினா், தோ்தல் நடத்தும் அதிகாரிகளும், போலீஸாரும் ஒருதலைப்பட்சமாக செயல்படுவதாக குற்றம் சாட்டி மீண்டும் சாலையில் அமா்ந்து போராட்டத்தில் ஈடுபட்டனா்.

அப்போது அங்கு வந்த சட்டத் துறை அமைச்சா் ரகுபதி, போராட்டத்தில் ஈடுபட்ட திமுக நிா்வாகிகளிடம் நடந்த விவரங்களைக் கேட்டறிந்தாா். சம்பவம் தொடா்பாக சட்டப்படி நடவடிக்கை எடுக்கப்படும் என்று திமுகவினரிடம் அமைச்சா் வாக்குறுதி அளித்துவிட்டு அங்கிருந்து சென்றுவிட்டாா்.

இதைத் தொடா்ந்து நடைபெற்ற துணைத் தலைவா் தோ்தலில் அதிமுகவைச் சோ்ந்த திவ்யா வெற்றி பெற்ாக அறிவிக்கப்பட்டது.

தொடா்ந்து பதற்றமான சூழல் நிலவி வருவதால், அன்னவாசல் பகுதி முழுவதும் போலீஸாா் குவிக்கப்பட்டு, தொடா்ந்து பாதுகாப்புப் பணியில் ஈடுபட்டு வருகின்றனா்.