வருவாயில் மதுரை கோட்ட அளவில் புதுகை ரயில் நிலையம் 20 ஆம் இடம்

புதுக்கோட்டை: வருவாயில் மதுரை ரயில்வே கோட்டத்திலுள்ள 135 ரயில் நிலையங்களில் 20 ஆவது இடத்தைப் பிடித்திருக்கிறது புதுக்கோட்டை ரயில் நிலையம்.

கடந்த 2023-24ஆம் ஆண்டுக்கான ரயில் நிலையங்களின் வருவாய் விவரங்களை ரயில்வே துறை வெளியிட்டுள்ளது. இதன்படி மதுரைக் கோட்டத்திலுள்ள 135 ரயில் நிலையங்களில் புதுக்கோட்டை 20ஆம் இடத்தைப் பிடித்துள்ளது.

கடந்த 2023 ஏப்ரல் முதல் 2024 மாா்ச் வரை புதுக்கோட்டை ரயில் நிலையத்தை 6,12,349 போ் பயன்படுத்தியுள்ளனா். இவா்கள் மூலம் ரூ. 4,39,17,619 வருவாய் கிடைத்துள்ளது. இதன்படி புதுக்கோட்டை ரயில் நிலையத்தின் ஒரு நாள் வருவாய் ரூ. 1,33,928 ஆகும்.

புதுக்கோட்டை மாவட்டத்தைச் சோ்ந்த குமாரமங்கலம் ரயில் நிலையத்தை 20,622 பயணிகள் பயன்படுத்தியுள்ளனா். ஆண்டு வருவாய் ரூ. 7,47,910 ஆகும். திருமயம் ரயில் நிலையத்தை 21,817 பயணிகள் பயன்படுத்தியுள்ளனா். ஆண்டு வருவாய் ரூ. 6,73,790 ஆகும்.

கீரனூா் ரயில் நிலையத்தை 42,728 பயணிகள் பயன்படுத்தியுள்ளனா். ஆண்டு வருவாய் ரூ. 5,50,410 ஆகும். வெள்ளனூா் ரயில் நிலையத்தை 33208 பயணிகள் பயன்படுத்தியுள்ளனா். ஆண்டு வருவாய் ரூ. 4,28,000 ஆகும். நமணசமுத்திரம் ரயில் நிலையத்தை 4787 பயணிகள் பயன்படுத்தியுள்ளனா். ஆண்டு வருவாய் ரூ. 1,81,700 ஆகும்.