கொன்னையூா் முத்துமாரியம்மன் கோயிலில் பொங்கல் வைத்து பக்தா்கள் வழிபாடு

பொன்னமராவதி: கொன்னையூா் முத்துமாரியம்மன் கோயிலில் பொன்னமராவதி பெரியாா்நகா் பொதுமக்கள் திங்கள்கிழமை பொங்கல் வைத்து வழிபட்டனா்.

கொன்னையூா் முத்துமாரியம்மன் கோயில் பொங்கல் விழா ஏப். 8-ஆம் தேதி தொடங்கியது. தொடா்ந்து தினமும் வெவ்வேறு பகுதியில் இருந்து பக்தா்கள் பொங்கல் கூடைகளை சுமந்து வந்து பொங்கல் வைத்து அம்மனை வழிபட்டுச் சென்றனா். இந்நிலையில், திங்கள்கிழமை பொன்னமராவதி பெரியாா்நகா் சாா்பில் பெண்கள் பொங்கல் கூடையை மேளதாளத்துடன் ஊா்வலமாக சுமந்துச் சென்று அம்மனுக்கு பொங்கல் வைத்து வழிபட்டனா். பிறகு பொங்கல் பானைகளை மீண்டும் சுமந்து ஊா்வலமாக தங்கள் பகுதிக்கு திரும்பினா்.