திருமயத்தில் 81 மி.மீ. மழை

புதுக்கோட்டை/ விராலிமலை/ பொன்னமராவதி: புதுக்கோட்டை மாவட்டத்தில் திங்கள்கிழமை காலை வரை பெய்த மழை அளவில், அதிகபட்சமாக திருமயத்தில் 81 மி.மீ. மழை பதிவாகியுள்ளது.

புதுக்கோட்டை மாவட்டத்தில் கடந்த 4 நாட்களாக கோடை மழை பரவலாக பெய்து வருகிறது. திங்கள்கிழமை காலை வரை பதிவான மழைப் பொழிவு விவரம் (மி.மீ.யில்)

ஆதனக்கோட்டை - 12.60, பெருங்களூா் - 16, புதுக்கோட்டை- 13.50, ஆலங்குடி - 13.40, கந்தா்வகோட்டை- 22.40, கறம்பக்குடி - 18.20, மழையூா் - 11.80, கீழாநிலை - 19.80, திருமயம் - 81.

அரிமளம் - 34.40, அறந்தாங்கி - 13, ஆயிங்குடி - 2.20, நாகுடி - 6.60, மீமிசல் - 2.40, ஆவுடையாா்கோவில் - 7.40, மணமேல்குடி - 4.60, இலுப்பூா் - 8, குடுமியான்மலை - 3, அன்னவாசல் - 21, விராலிமலை - 4, கீரனூா் - 15.20, பொன்னமராவதி - 20, காரையூா் - 38.60. மாவட்டத்தின் சராசரி மழை - 16.21.

திங்கள்கிழமை மாலையில் மாவட்டத்தின் பல பகுதிகளில் மீண்டும் மழை பெய்தது. புதுக்கோட்டை நகரம், விராலிமலை உள்ளிட்ட பகுதிகளில் கனமழை பெய்தது.

கந்தா்வகோட்டை சாலையில் கோமாபுரம் காலனி அருகே சாலையோரத்தில் இருந்த புளியமரம் சாய்ந்து சாலையின் குறுக்கே விழுந்தது. இதனால் சிறிது நேரம் போக்குவரத்து பாதிப்பு ஏற்பட்டது.