பேருந்து பயணியிடம் 12 பவுன் மாயம்

திருச்சி ஸ்ரீரங்கம் அருணா நகரைச் சேர்ந்தவர் ரமேஷின் மனைவி விஜயா (45). இவர் கும்பகோணம் பெரிய தெருவில் உள்ள நிதி நிறுவனத்தில் கணக்கு வைத்துள்ளார். இந்நிலையில், அதே நிறுவனத்தில் 12 பவுன் நகையை அடகு வைப்பதற்காக வெள்ளிக்கிழமை பேருந்து மூலம் திருச்சியிலிருந்து கும்பகோணத்துக்கு வந்தார். உச்சிப்பிள்ளையார்கோயில் பேருந்து நிறுத்தத்தில் இறங்கி நிதி நிறுவனத்துக்குச் சென்று பார்த்த இவர் 12 பவுன் நகைகள் மாயமாகி இருப்பது தெரியவந்தது. இதுகுறித்து கும்பகோணம் கிழக்கு காவல் நிலையத்தினர் விசாரித்து வருகின்றனர்.