கேரளத்துக்கு வெள்ள நிவாரண நிதி

மழை, வெள்ளத்தால் பாதிக்கப்பட்ட கேரளத்துக்கு வழங்குவதற்காக பாபநாசம் வட்டம், அய்யம்பேட்டை சக்கராப்பள்ளி பகுதியிலுள்ள பள்ளிவாசல்கள் சார்பில் வசூலிக்கப்பட்ட  நிதி அய்யம்பேட்டை-சக்கராப்பள்ளி ஜமாத்சபை தலைவர்களிடம் செவ்வாய்க்கிழமை வழங்கப்பட்டது.
அய்யம்பேட்டை சக்கராப்பள்ளி  பகுதியில் உள்ள 12 பள்ளி வாசல்கள் சார்பில் ஜமாத் சபையை சேர்ந்த பொதுமக்கள் சார்பில் ரூ. 1 லட்சத்து 50 ஆயிரத்து 60 வழங்கப்பட்டது. இந்த நிதியை அய்யம்பேட்டை சக்கராப்பள்ளி ஜமாத் சபை தலைவர்கள் பி.ஏ.முகம்மது நஜீப், ஜே.ஏ.அக்பர் உள்ளிட்டோரிடம் 12 பள்ளிவாசல்களை சேர்ந்த நிர்வாகிகள் வழங்கினர். வரைவோலையாக வழங்கப்பட்ட இந்த நிதி கேரள முதல்வர் நிவாரண நிதிக்கு அனுப்பி வைக்கப்பட்டது.