முன்னாள் படைவீரர்களின் வாரிசுதாரர்கள் கவனத்துக்கு...

பிளஸ் 2 பொதுத் தேர்வில் அதிக மதிப்பெண்கள் பெற்ற முன்னாள் படைவீரர்களின் வாரிசுதாரர்கள் பரிசுத்தொகை பெற விண்ணப்பிக்கலாம் என ஆட்சியர்  ஆ. அண்ணாதுரை தெரிவித்துள்ளார்.
இதுகுறித்து அவர் மேலும் தெரிவித்திருப்பது:
பிளஸ்2 பொதுத் தேர்வில் தேர்ச்சி பெற்ற முன்னாள் படைவீரர்களின் வாரிசுதாரர்களில் முதல் மற்றும் இரண்டாமிடம் பெற்ற பிள்ளைகளுக்கு முன்னாள் படைவீரர் நலத் துறை மூலம் பரிசுத் தொகையாக ரூ. 5,000 மற்றும் ரூ. 3,000 வழங்கப்படுகிறது. 
அதன்படி 2017 - 2018-ஆம் கல்வியாண்டில் முதல் மற்றும் இரண்டாமிடம் பெற்றவர்களுக்குப் பரிசுத் தொகை வழங்கப்படவுள்ளது.
எனவே, 2017-18 ஆம் கல்வியாண்டில் பிளஸ் 2 பொதுத் தேர்வில் அதிக மதிப்பெண்கள் பெற்று தேர்ச்சியடைந்த தஞ்சாவூர் மாவட்டத்தைச் சேர்ந்த முன்னாள் படைவீரர்களின் குழந்தைகள்  செப். 15-ம் தேதிக்குள் தஞ்சாவூர் மாவட்ட முன்னாள் படைவீரர் நல உதவி இயக்குநர் அலுவலகத்தில் மதிப்பெண் சான்று,  பள்ளி மாற்றுச்சான்று,  அசல் படை விலகல் சான்று,  அடையாள அட்டை ஆகிய ஆவணங்களுடன் விண்ணப்பித்து பயன் பெறலாம்.