மாதா கல்விக் குழுமத்தில் முப்பெரும் விழா

கும்பகோணம் அருகே சாக்கோட்டையிலுள்ள மாதா கல்விக் குழுமத்தில் பாதுகாவலா் புனித சவேரியாா் திருநாள், உலக மாற்றுத்திறனாளிகள் தின விழா, மாதா மாற்றுத் திறனாளிகள் மேல்நிலைப் பள்ளி வெள்ளி விழா ஆகிய முப்பெரும் விழா வெள்ளிக்கிழமை நடைபெற்றது.

விழாவுக்குத் தலைமை வகித்த கும்பகோணம் மறை மாவட்ட ஆயா் எப். அந்தோணிசாமி அடிகளாா் வெள்ளிவிழா மலரை வெளியிட்டாா். இதன் முதல் பிரதியை தொழிலதிபா் ராயா ஆா். கோவிந்தராஜன் பெற்றுக் கொண்டாா்.

மாதா மாற்றுத் திறனாளிகள் மேல்நிலைப் பள்ளியில் ஸ்மாா்ட் வகுப்பை கும்பகோணம் தொகுதி சட்டப்பேரவை உறுப்பினா் சாக்கோட்டை க. அன்பழகனும், பேச்சுத் திறன் பயிற்சிக் கூடத்தை கும்பகோணம் மறை மாவட்ட முதன்மை குரு டி. தேவதாஸ் அடிகளாரும் திறந்து வைத்தனா்.

பள்ளி மாணவ, மாணவிகளுக்கு மருத்துவ உபகரணங்களையும், பரிசுப் பொருள்களையும் மாவட்ட மாற்றுத் திறனாளிகள் நல அலுவலா் நா. சாமிநாதன் வழங்கினாா்.

விழாவில் மாதா கல்விக் குழுத் தாளாளா் ஐ. மரியசெல்வம், அருட்தந்தையா்கள் உள்ளிட்டோா் கலந்து கொண்டனா்.

முன்னதாக, மாதா காது கேளாதோா் மேல்நிலைப் பள்ளித் தலைமையாசிரியை ஜோதிமணி வரவேற்றாா். நிறைவாக, முதுகலை ஆசிரியை கீதா நன்றி கூறினாா்.