தஞ்சாவூர் தொகுதியில் திமுக வெற்றி

தஞ்சாவூர் தொகுதியில் திமுக வேட்பாளர் டி.கே.ஜி. நீலமேகம் சுமார் 46,744 வாக்குகள் வித்தியாசத்தில் வெற்றி பெற்றார்.

தஞ்சாவூர் தொகுதியில் தொடக்கச் சுற்று முதல் திமுக வேட்பாளர் டி.கே.ஜி. நீலமேகம் முன்னிலை வகித்து வந்தார். முதல் சுற்றில் 1,275 வாக்குகள் வித்தியாசத்தில் முன்னிலை பெற்ற திமுகவுக்கு தொடர்ந்து ஒவ்வொரு சுற்றிலும் படிப்படியாக வித்தியாச விகிதம் அதிகரித்து வந்தது. 

இறுதியாக 29 ஆவது சுற்று முடிவில் 44,208 வாக்குகளும், அஞ்சல் வாக்குகளில் 2,536 வாக்குகளும் முன்னிலை பெற்று மொத்தத்தில் சுமார் 46,744 வாக்குகள் வித்தியாசத்தில் வெற்றி பெற்றது. இத்தொகுதியில் மொத்தமுள்ள 2,90,772 வாக்குகளில் 1,91,106 வாக்குகள் பதிவாகின. 

இதில், 1,03,225 வாக்குகளை திமுக வேட்பாளர் டி.கே.ஜி. நீலமேகம் பெற்றார். இவர் இத்தொகுதியில் தொடர்ந்து இரண்டாவது முறையாக வெற்றி பெற்றுள்ளார். இவருக்கு அடுத்து அதிமுக வேட்பாளர் வி. அறிவுடைநம்பி 56,481 வாக்குகள் பெற்றார்.