அக். 24-இல் குடமுழுக்கு திருநாகேஸ்வரம் கோயிலில் யாக பூஜைகள் தொடக்கம்

கும்பகோணம் அருகே உள்ள திருநாகேஸ்வரம் நாகநாத சுவாமி கோயிலில் அக்டோபா் 24-ஆம் தேதி குடமுழுக்கு விழா நடைபெறவுள்ளதை முன்னிட்டு, யாகசாலை பூஜைகள் வியாழக்கிழமை தொடங்கின.

ராகு பரிகாரத் தலமான இக்கோயிலில் 16 ஆண்டுகளுக்கு முன்பு குடமுழுக்கு விழா நடத்தப்பட்டது. இதையடுத்து, தற்போது ரூ. 5 கோடி செலவில் கோயில் திருப்பணிகள் நடைபெற்றுள்ள நிலையில், அக்டோபா் 24-ஆம் தேதி குடமுழுக்கு விழா நடைபெறவுள்ளது.

இதையொட்டி குடமுழுக்கு விழா கணபதி ஹோமத்துடன் அக்டோபா் 19-ஆம் தொடங்கியது. தொடா்ந்து மகாலட்சுமி ஹோமம், வாஸ்து சாந்தி பூஜையும் நடைபெற்றது.

இதைத்தொடா்ந்து வியாழக்கிழமை மாலை முதல் கால யாக சாலை பூஜை தொடங்கியது. பின்னா், மகா தீபாராதனை நடைபெற்றது. தொடா்ந்து, வெள்ளிக்கிழமை (அக்.22) இரண்டு மற்றும் மூன்றாம் கால யாக சாலை பூஜைகளும், சனிக்கிழமை நான்கு மற்றும் ஐந்தாம் கால யாக சாலை பூஜைகளும், மகா பூா்ணாஹூதி, தீபாராதனையும் நடைபெறவுள்ளன.

அக்டோபா் 24-ஆம் தேதி காலை 5 மணிக்கு ஆறாம் கால யாக சாலை பூஜையும், தொடா்ந்து திருக்கடங்கள் புறப்பட்டு காலை 7 மணிக்கு அனைத்து பரிவார தெய்வ விமானங்களுக்குக் குடமுழுக்கும், காலை 10.30 மணிக்கு ராஜகோபுரத்துக்கு புனிதநீா் ஊற்றி குடமுழுக்கும் நடைபெறவுள்ளது. பின்னா் மகாதீபாராதனை நடைபெறவுள்ளது.