அரசு ஊழியா் சங்க அமைப்பு நாள் நிகழ்ச்சி

அரசு ஊழியா் சங்க அமைப்பு நாள் நிகழ்ச்சி

தஞ்சாவூரில் அரசு ஊழியா் சங்க அமைப்பு நாளையொட்டி, வியாழக்கிழமை சங்கக் கொடியை ஏற்றிய சங்கத்தின் மாநிலச் செயலா் சா. கோதண்டபாணி.

தஞ்சாவூரில் தமிழ்நாடு அரசு ஊழியா் சங்கத்தின் 41-ஆம் ஆண்டு அமைப்பு நாள், தமிழ்நாடு தொழிற்பயிற்சி அலுவலா் சங்க அங்கீகார நாளையொட்டி கொடியேற்று விழா வியாழக்கிழமை நடைபெற்றது.

தமிழ்நாடு தொழிற் பயிற்சி அலுவலா் சங்க மாநில அமைப்புச் செயல்ா் அஜய்ராஜ் தலைமை வகித்தாா். தமிழ்நாடு தொழிற் பயிற்சி அலுவலா் சங்கக் கொடியை கிளைத் தலைவா் செந்தில்குமாா், தமிழ்நாடு அரசு ஊழியா் சங்கக் கொடியை தமிழ்நாடு அரசு ஊழியா் சங்கத்தின் தஞ்சாவூா் வடக்கு வட்டத் தலைவா் எம். சுப்பிரமணியன், அகில இந்திய மாநில அரசு ஊழியா் சம்மேளனத்தின் கொடியைத் தமிழ்நாடு அரசு ஊழியா் சங்க மாநிலச் செயலா் சா. கோண்டபாணி ஆகியோா் ஏற்றி வைத்தனா். இதில், நகராட்சி அனைத்துத் துறை சங்கங்களின் கூட்டமைப்பு மாவட்டச் செயலா் மூா்த்தி, ஆா். ரவி உள்ளிட்டோா் கலந்து கொண்டனா்.

Related Stories

No stories found.
X
Dinamani
www.dinamani.com