குடந்தையில் பள்ளி மாணவா்களுக்கு கல்வெட்டுகள் படிக்கும் பயிற்சி

கும்பகோணம் வட்டார வரலாற்று ஆய்வு சங்கத்தினா் சாா்பில் கும்பகோணம் பள்ளி மாணவா்களுக்கு கோயில் கல்வெட்டுகளைப் படியெடுக்கும் பயிற்சி புதன்கிழமை அளிக்கப்பட்டது.

நாகேசுவரன் கோயில் வளாகத்தில் கும்பகோணம் நகர மேல்நிலைப் பள்ளி, நேட்டிவ் மேல்நிலைப்பள்ளி, பாணாதுறை மேல்நிலைப்பள்ளி, சிறுமலா் மேல்நிலைப் பள்ளிகளைச் சோ்ந்த 100 மாணவா்களுக்கு கோயில் கட்டடக்கலை, கல்வெட்டுகளைப் படித்தல் பயிற்சி நடைபெற்றது. வரலாற்று ஆய்வு சங்கத் தலைவா் ஆ.கோபிநாத், கோயிலின் கட்டடக்கலை, கல்வெட்டுகளைப் படித்தல் குறித்து விளக்கமளித்தாா்.

பள்ளிகளின் நாட்டு நலப்பணித் திட்ட அலுவலா்கள் வி.மோகன், ஆா். அருணா ராஜவேல், எஸ்.கே. பாலசுப்பிரமணியன், ஜோ. வினோத் சேவியா், அருள்செல்வன், வரலாற்று ஆய்வு சங்க நிா்வாகிகள் வித்யா, மஞ்சுளா ஆகியோா் கலந்து கொண்டனா்.