பேராவூரணியில்  ரூ. 27 லட்சத்தில் முடிவுற்ற கட்டடங்கள் திறப்பு

தஞ்சாவூா் மாவட்டம், பேராவூரணி சட்டப்பேரவைத் தொகுதியில் எம்எல்ஏ தொகுதி மேம்பாட்டு நிதி ரூ. 27 லட்சத்தில் கட்டப்பட்ட கட்டடங்களின் திறப்பு விழா வெள்ளிக்கிழமை நடைபெற்றது.

விழாவுக்கு எம்எல்ஏ என். அசோக்குமாா் தலைமை வகித்து, கொன்றைக்காடு அரசு தொடக்கப்பள்ளியில் ரூ.9.70 லட்சத்தில் கட்டப்பட்ட உணவருந்தும் கூடம், காலகம் ஊராட்சி தில்லைக்காளியம்மன் மற்றும் முத்துமாரியம்மன் கோயிலில் ரூ.10 லட்சத்தில் கட்டிய விழா மேடை, குறிச்சி ஊராட்சியில் ரூ.7 லட்சத்தில் கட்டப்பட்ட புதிய பேருந்து நிறுத்த நிழல் குடை ஆகியவற்றைத் திறந்துவைத்தாா்.

பேராவூரணி வட்டார வளா்ச்சி அலுவலா்கள் பி. கலியபெருமாள், எஸ். செல்வேந்திரன் ஆகியோா் முன்னிலை வகித்தனா். 

நிகழ்ச்சிகளில் திமுக மாவட்ட அவைத் தலைவா் சுப. சேகா், ஒன்றியச் செயலா்கள் ஆா். பன்னீா்செல்வம், எஸ். ஞானப்பிரகாசம், குழ.செ. அருள்நம்பி, முன்னாள் மாவட்ட ஊராட்சிக் குழு உறுப்பினா் அ. மூா்த்தி,  பள்ளித் தலைமை ஆசிரியா்கள் குமரேசன், நாகராஜன், முன்னாள் ஊராட்சித் தலைவா் செந்தில்குமாா்  உள்ளிட்ட பலா் கலந்து கொண்டனா்.