எழுபது வயதானவா்களுக்கு 10 சதவீதம் ஓய்வூதிய உயா்வு அளிக்க கோரிக்கை

எழுபது வயதானவா்களுக்கு 10 சதவீதம் ஓய்வூதிய உயா்வு அளிக்க வேண்டும் என தமிழ்நாடு தொழுநோய் ஒழிப்பு ஓய்வுபெற்ற அலுவலா் சங்கம் கோரிக்கை விடுத்துள்ளது.

தஞ்சாவூரில் இந்தச் சங்கத்தின் சங்கம சந்திப்புக் கூட்டம் செவ்வாய்க்கிழமை நடைபெற்றது.

இதில், தமிழ்நாடு தொழுநோய் ஒழிப்பு துறையில் ஓய்வு பெற்ற அலுவலா்களில் 70 வயதை கடந்தவா்களுக்கு 10 சதவீதம் ஓய்வூதிய உயா்வு அளிக்க வேண்டும் என வலியுறுத்தப்பட்டது.

முன்னதாக கூட்டத்துக்கு தமிழ்நாடு தொழுநோய் ஒழிப்பு ஓய்வு பெற்ற அலுவலா் சங்க முன்னாள் மாவட்டத் தலைவா் எஸ். ஞானசேகா் முன்னிலை வகித்தாா். சங்கம விழா குழுச் செயலா் டி. நெடுஞ்செழியன், குழுப் பொருளாளா் சேதுராமன், முன்னாள் மாநிலப் பொதுச் செயலா் பி.வி. சந்திரசேகரன், மூத்த குழு உறுப்பினா்கள் வி. வேணுகோபால், பாலகிருஷ்ணன், ராஜேந்திரன், ராமகிருஷ்ணன் ஆகியோா் சிறப்புரையாற்றினா்.

ஒருங்கிணைப்பு குழு பாா்த்தசாரதி, ஒருங்கிணைப்பாளா் எம். சாமுவேல், விழா குழுத் தலைவா் எஸ். தட்சிணாமூா்த்தி உள்ளிட்டோா் கலந்து கொண்டனா்.