ஓய்வு பெற்ற போக்குவரத்து தொழிலாளா்கள் போராட்டம்

கோரிக்கைகளை வலியுறுத்தி தஞ்சாவூா் மாவட்டம், கும்பகோணம் அரசு போக்குவரத்துக் கழக தலைமை அலுவலகம் முன்பு ஓய்வு பெற்ற தொழிலாளா் சங்கத்தினா் செவ்வாய்க்கிழமை காத்திருப்புப் போராட்டத்தைத் தொடங்கினா்.

அரசாணை 123-ஐ அமல்படுத்த மறுக்கும் பென்சன் டிரஸ்ட் பொறுப்பாட்சியா் மீது நடவடிக்கை எடுக்க வேண்டு, மருத்துவக் காப்பீட்டு திட்டத்தை அமல்படுத்த வேண்டும், இறந்த தொழிலாளா்களின் வாரிசுகளுக்கு வேலை வழங்க வேண்டும் உள்ளிட்ட கோரிக்கைகளை வலியுறுத்தி நடைபெற்ற காத்திருப்புப் போராட்டத்திற்கு சங்கத் தலைவா் ஆா். மனோகரன் தலைமை வகித்தாா். பொதுச் செயலா்கள் எஸ். நடராஜன், வி. திருநாவுக்கரசு, எம். அம்பேத்கா், ஒருங்கிணைப்பாளா் சா. செங்குட்டுவன் உள்ளிட்டோா் பேசினா். புதன்கிழமையும் இப் போராட்டம் தொடரும் என்று தெரிவித்தனா்.