தெருநாய்கள் கடித்ததில் முதியவா் உயிரிழப்பு

தஞ்சாவூா் மாவட்டம், கும்பகோணத்தில் சாலையோரத்தில் படுத்திருந்த முதியவா் தெருநாய்கள் கடித்ததில் புதன்கிழமை இரவு உயிரிழந்தாா்.

அரியலூா் மாவட்டம், ஜெயங்கொண்டத்தைச் சோ்ந்தவா் சின்னதுரை (75). ஆதரவற்ற இவா், கும்பகோணம்-சென்னை புறவழிச்சாலையில் தனியாா் பள்ளி அருகே புதன்கிழமை காயங்களுடன் கிடந்தாா். அவரைச் சுற்றி 10-க்கும் மேற்பட்ட நாய்கள் குரைத்துக்கொண்டும், கடித்துக் கொண்டிருந்தது.

இதைகண்ட ஆட்டோ ஓட்டுநா் கோபு என்பவா் நாய்களை விரட்டியடித்து ஆம்புலன்ஸ் மூலம் சின்னதுரையை கும்பகோணம் மாவட்ட அரசு மருத்துவமனையில் சோ்த்தனா். அங்கு சிகிச்சை பலனின்றி இரவு உயிரிழந்தாா். இதுகுறித்து கும்பகோணம் தாலுகா போலீஸாா் வழக்குப் பதிந்து விசாரணை நடத்தி வருகின்றனா்.