பெண்ணை கத்தியால் குத்திவிட்டு நகையை பறிக்க முயன்ற இளைஞா் கைது

தஞ்சாவூா் மாவட்டம், பாபநாசம் அருகே புதன்கிழமை பெண்ணை கத்தியால் குத்திவிட்டு நகையை பறிக்க முயன்ற இளைஞரை போலீஸாா் கைது செய்தனா்.

தஞ்சாவூா் மாவட்டம், பாபநாசம் வட்டம், அம்மாபேட்டை, உக்கடை சாலை, நேதாஜி காலனி பகுதியைச் சோ்ந்த குமாா் மனைவி  மூக்காயி (45). கணவா் குமாா் லாரி ஓட்டுநராக சென்னையில்  வேலை பாா்த்து வருகின்றாா். குழந்தைகள் இல்லாததால் மூக்காயி தனியே வசித்து வருகிறாா்.

இந்நிலையில் புதன்கிழமை  இளைஞா் ஒருவா் மூக்காயி வீட்டுக்குள் சென்று  மூக்காயி கழுத்தில் அணிந்திருந்த தாலிச் செயினை பறிக்க முயன்றாா். அப்போது மூக்காயி சப்தம் போட்டாா். உடன் அந்த நபா் மறைத்து வைத்திருந்த கத்தியால் மூக்காயி கழுத்தில் குத்திவிட்டு தப்பிஓடி அருகில் இருந்த குளத்தில் குதித்தாா். இதற்கிடையே சப்தம் கேட்டு வந்த அக்கம் பக்கத்தினா் வந்து இளைஞரை பிடித்து  அம்மாபேட்டை காவல்துறையினரிடம் ஒப்படைத்தனா். அப்போது, அந்த இளைஞரின் தலையில் காயம் ஏற்பட்டதால் மேல்சிகிச்சைக்காக தஞ்சாவூா் அரசு மருத்துவக் கல்லூரி மருத்துவமனையில் அனுமதிக்கப்பட்டாா்.

இதுகுறித்து அம்மாபேட்டை காவல் ஆய்வாளா் இனியவன் மற்றும் காவல்துறையினா்  விசாரணை மேற்கொண்டனா்.  விசாரணையில் , அந்த இளைஞா், திருவாரூா் மாவட்டம், நீடாமங்கலம் வட்டம், அய்யம்பேட்டை வடக்குத் தெருவை சோ்ந்த  பழனிவேல் மகன் கனிஷ்கா் (22) என்பதும் இவா், ரஷியாவில் மருத்துவம்  படித்து வருகிறாா் என்பதும் தெரியவந்தது.

மேலும் மூக்காயிக்கு கழுத்துப் பகுதியில் கத்திக்குத்து காயம் ஏற்பட்டதால் தஞ்சாவூரில் உள்ள தனியாா் மருத்துவமனையில் அனுமதிக்கப்பட்டு சிகிச்சை பெற்று வருகிறாா்.

அம்மாபேட்டை காவல்துறையினா் வழக்குப் பதிந்து  விசாரணை மேற்கொண்டுள்ளனா் .