மணப்பாறை காளியம்மன் கோயிலில் பால்குட உற்ஸவம்

திருச்சி மாவட்டம், மணப்பாறை அருள்மிகு காளியம்மன் திருக்கோயில் மார்கழி திருவிழாவில் பால்குட உற்ஸவம் ஞாயிற்றுக்கிழமை நடைபெற்றது.
இக்கோயிலில் கடந்த 26 ஆம் தேதி தொடங்கிய மார்கழி திருவிழாவையொட்டி,  சனிக்கிழமை கணபதி ஹோமமும், ஞாயிற்றுக்கிழமை பால்குட உற்ஸவமும் நடைபெற்றது.
இதையொட்டி அருள்மிகு ஸ்ரீதேவி-பூதேவி சமேத வரதராஜப்பெருமாள் திருக்கோயிலிலிருந்து பரம்பரை அறங்காவலர் ஆர்.வி.எஸ். வீரமணி, சின்ன நாட்டாமை மோகன், மற்றும் ஊர் பெருமக்கள் சார்பாக கோவில் பால்குடம் முன்னே செல்ல, அதைத் தொடர்ந்து  பக்தர்கள் பால்குடங்கள் ராஜவீதிகள் வழியாக சென்று ஸ்ரீ காளியம்மன் திருக்கோயிலை வந்தடைந்தது. தொடர்ந்து அம்மனுக்கு சிறப்பு பாலாபிசேகம் மற்றும் ஆராதனைகள் நடைபெற்றன. இதைத் தொடர்ந்து கரகம்பாலித்தல் இரவு நடைபெற்றது.
திங்கள்கிழமை காலை கோயில் முன்பு பொங்கல், மாவிளக்கு வைத்தல், கிடா வெட்டுதல் நிகழ்வு நடைபெறும்.  அதைத் தொடர்ந்து அக்னிசட்டி எடுத்து, அலகுகுத்தி பக்தர்கள் தங்கள் வேண்டுதலை நிறைவேற்றுவர்.  இந்து சமய அறநிலையத்துறை செயல்  அலுவலர் வே.பிரபாகர், ஒப்பந்ததாரர் எஸ். சண்முகம்,ஜெ.விஜயபாஸ்கர், எஸ்.சொக்கப்பன், மு.ம.அரவிந்த், கிளாஸிக் நண்பர்கள், காளியம்மன் கோயில் விழாக் குழுவினர்  ஏற்பாடுகளைச் செய்திருந்தனர்.