அரசுக் கல்லூரியில் இளையோர்  பாராளுமன்றக் கூட்டம்

முசிறி அறிஞர் அண்ணா அரசு கலைக் கல்லூரியில் இளையோர்  பாராளுமன்றக் கூட்டம் புதன்கிழமை நடைபெற்றது. 
இளைஞர் நலம் மற்றும் விளையாட்டு அமைச்சகம், மாவட்ட நேரு யுவகேந்திரா, சின்னகொடுந்துறை விவேகானந்தர் இளைஞர் நலச் சங்கம் சார்பில் நடைபெற்ற கூட்டத்திற்கு கல்லூரி முதல்வர் ராஜ்குமார் தலைமை வகித்தார். ஆங்கிலத்துறை துணைத் தலைவர் முருகராஜ் பாண்டியன் முன்னிலை வகித்தார். காவல் துணைக் கண்காணிப்பாளர் சீத்தாராமன், வட்டார மருத்துவர் குமரேசன் ஆகியோர் சிறப்புரையாற்றினர்.
முன்னதாக, நேருயுவகேந்திரா களப்பணியாளர் ஜி.சஞ்சீவி வரவேற்றார். முடிவில், விவேகானந்தர் இளைஞர் நலச் சங்க தலைவர் கார்மேகம் நன்றி கூறினார்.