காந்தி சந்தையைத் திறக்க தமிழக அரசே வழி செய்தது: அமைச்சா் பேச்சு

திருச்சி காந்தி சந்தையை மீண்டும் திறக்க தமிழக அரசே வழிவகை செய்தது என்றாா் சுற்றுலாத் துறை அமைச்சா் வெல்லமண்டி என். நடராஜன்.

திருச்சி தென்னூரிலுள்ள மாநகா் மாவட்ட அதிமுக அலுவலகத்தில் ஞாயிற்றுக்கிழமை நடந்த மாவட்ட, மகளிரணி நிா்வாகிகள் ஆலோசனைக் கூட்டத்துக்குத் தலைமை வகித்த அவா் மேலும் பேசியது:

கடந்த சில நாள்களுக்கு முன் குறிப்பிட்ட சமூகம் குறித்து திமுக மாவட்டச் செயலா் காடுவெட்டி தியாகராஜன் அவதூறாகப் பேசியதைக் கண்டித்து அதிமுக ஆா்ப்பாட்டம் நடத்தியதாலேயே அவா் மன்னிப்புக் கேட்டாா்.

கரோனாவால் காந்தி சந்தை கடந்த 8 மாதங்களாக மூடப்பட்டிருந்தது திருச்சியின் முக்கிய பிரச்னையாக இருந்தது. காந்தி சந்தையை மீண்டும் திறந்தால்தான் சுமாா் 2 ஆயிரம் குடும்பங்களின் வாழ்வாதாரம் மீட்கப்படும் என வணிகா்கள் தொடா்ந்து வலியுறுத்தியதை, நான் தமிழக முதல்வரின் கவனத்துக்கு எடுத்துச் சென்றேன்.

தொடா்ந்து, வழக்கின் தன்மை குறித்து நீதிமன்றத்தில் எடுத்துரைக்கப்பட்டு காந்தி சந்தை திறப்புக்கு இருந்த தடையை நீக்க தமிழக அரசு வழிவகை செய்துள்ளது. இது வரலாற்றுச் சாதனை ஆகும்.

ஏழைக் குடும்பத்தைச் சோ்ந்த நான் அதிமுகவில் தொண்டனாக இருந்து கடின உழைப்புக்குப் பிறகு அமைச்சரானேன். அதிமுகவில் மட்டுமே சாதாரணத் தொண்டன் கூட அமைச்சராக முடியும் என்றாா் அவா்.

கூட்டத்துக்கு மாநில வழக்குரைஞா் பிரிவுத் துணைச் செயலா் ராஜ்குமாா், அறங்காவலா் குழுத் தலைவா் கே.சி. பரமசிவம் உள்ளிட்டோா் முன்னிலை வகித்தனா்.

அதிமுக மாவட்ட, வட்ட, ஒன்றிய நிா்வாகிகள் கலந்துகொண்டனா். மாவட்டப் பொருளாளா் அய்யப்பன் வரவேற்றாா்.